|
|
|
| روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
      |
|
|||||||
| التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
 |
|
|
أدوات الموضوع | انواع عرض الموضوع |
|
|
|
#1
14-11-2011, 11:47 AM
|
||||
|
||||
ردي على حوار معاذير الشعري
للجرح زفــره وللمعاذير اســباب ومـعـذور خـلّي لـو سـعى في عذابي والذكريات تمر تطـرق عــلى الباب وافـتح لـهـا يمـكـن تخـفف مـصابي تعبت يا جرحي الشقي شــوق وعتاب ليت الــذي اهــواه حــس ودرابي لبّست عـمـري مــن عــنا همّي ثياب وقـتلـت في ذكــراه زهــرة شبابي حــتى عــذولي لــو سـمـع ونتي ثاب لـكن (م)اشـكـي لـو لأقرب اصحابي انا وجرحي وصـاحـبي كـلنا اغـراب وانا مـعـاهـم سـلوتي في اغـترابي يا خـويتي لا تعـذلي شـخـص مـنصـاب من صاحب(ن) اغلى من اقرب اقرابي لـو هـو غـدربي قلت ناكـر وكذاب وصــوّبت في ذكـــراه اعــتى حرابي لـكــن حـــبيبي دوم وافي وجــذاب وللحـين لا جـــاته بلـيّه اعتزابي المـشـكـله اكـبر من ادراك للالباب وصــفي لــهـا مبهم/عتيم وضبابي لليل ســتر وللـقدر ســيف وانياب والـصــبر للــرجــال قدر ومهابي والقلب خــاوي فديرته تعوي ذياب مـكـتوب واقـبل بالـقدر في كتابي روّح عــسـى دربه تسـاهـيل ورحاب وانا رجــعـت لواقعي مــن غيابي يا خويتي كــل جــرح من طلتك طاب والوجد مــع ابيات شـعرك سـرابي
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري 
|
|
#2
14-11-2011, 11:49 AM
|
||||
|
||||
|
ويتواصل الحوار ارتجالا
معاذير
لو صاحبك يدري بجرحك والأسباب ل نهلت دموعه ك وبل السحابي ولو صاحبك مأسور قلبه ومصطاب لأنصاك لو ع الحب قلبه يعابي بعض البشر حظه مع الحب ينهاب والبعض حظه طايح ن ف الترابي ما الوم قلبك لي عن الحب ما تاب ولا الوم جرح شاب قبل الشبابي لا توصف احساس غريب وغلاب هذا خوي الروح وقت اغترابي ما ينوصف لو هو عن القلب ما غاب ولا له مع القاموس رد وجوابي أحس به ينساب في لب الألباب وينزع على الغفلات باقي صوابي ما كفته روحي وعيني والأهداب ولا ما بقى مني ولا ما بقى بي كلي أنا له راضيا او بي عتاب ما أملك من النفس الا عذابي لو تعبر دموعي من العين باسهاب ما تطفي العبرة لهيب سطابي ولو ينطق الشريان لي بالهوى ذاب ويشكي عذابه,,كل مولود شابي لكن ربي يلطف بحال مصطاب ويلهمني السلوان عقب المصابي وارجع وأقول الوقت كافي يالاحباب وبعلن عليه بيوم تالي انسحابي ويا أخوي من شعرك ترى دمعي انساب يروي من العبرات سفح الروابي وكل العشق لي يى عقب عشقك انعاب وكل القصايد عقب شعرك تعابي
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري
|
|
#3
14-11-2011, 11:51 AM
|
||||
|
||||
|
ويتواصل الارتجال واستعيده هنا للذكرى
الصقر (علي) ونّيت والخـاطر به الوجد شــبّاب وابكيت حتى الصخر مـن زود مابي احباب كنا وينهم ذيك الاحـباب؟ راحوا مع الاقدار اغـلى احبابي لو كان بيدي لجلها اقـطـع رقاب واســري بها في بحــر موجه عبابي لـكن تمنعني مــواجـيب واســباب الجم بها طـيشـي واكــتم عـذابي وادري حبيبي دمعته وابل ســحاب وافي ولا يـسـمـع عــذول وشـابي بس القدر حكمه على الناس غلّاب ســيف مسـلط فوق عاتي الرقابي مـدري شـقيقة روحي الحلم كذاب؟ الـبارحـه حــلمي يثير ارتيابي حـلمت كـن اللي مضى سافر وغاب وبديت درب(ن) فـيه بسمة شبابي طــيف(ن) تبسـم لي ولبسني حـجاب وخذني معه مـدري لوين انتهابي معاذير شعرك فارس(ن) فز وثّاب زخات غيث(ن) من مزون السحابي
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري
|
|
#4
14-11-2011, 11:54 AM
|
||||
|
||||
|
ويستمر ....
معاذير يا ما ارتوت الاقدار من دمع الاحباب ويا ما احتوت القلوب هم ومصابي ويا ما انكسر حلم به العاشق انساب وخبت عقب سير طويل الركابي مادري القدر حكمه على الناس غلاب ولا الهوى طبعه هموم وعذابي ما كل من نهواه يهوى لنا اسباب وما كل من يهوى هوانا نحابي بعض الهوى يسقي المحابيب الاطياب وبعض الهوى يسقي القلوب اغترابي والصقر لو جرح الهوى فيه ما طاب يبقى شموخه عاليا ما يهابي
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري
|
|
#5
14-11-2011, 12:07 PM
|
||||
|
||||
|
هل يا ترى يا جرح باقي بعد شي دمع ودموع وكل غالي نزفته ما عدت افرّق ظلمة الليل والضي والحب والاخلاص والشوق عفته
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري
|
|
#6
19-09-2012, 10:53 PM
|
||||
|
||||
|
بكره الخميس اللي به الناس ترتاح
وتشد صوب الغاليين الرحايل وانا هنا في غربتي ليل واشباح تلفح بقلبي نار شمس القوايل الحظ عاثر والامل نور مصباح يالله تهديني دروب الفضايل يا ليتني ما بين غدوه ومرواح في عزبة(ن) فيها خيار الاصايل اصبح بنشوة ريحة البن لا فاح واسهر على نار الحطب والمخايل قلبي خلي: لا حب..لا هم وجراح مابي قصور ولا ابي مال طايل ما غير سجاده وفي اليد مسباح والغيم يمطر فوق راسي همايل
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري
|
|
#7
22-09-2012, 12:36 AM
|
||||
|
||||
|
محتاج لك وقت العصر تحضنَي
في حضنك الدافي ابي تدثّرني اسبوع وآنا ارتجف فغيابك غيمة غيابك بالاسى تمطرني ياللي عيونك غابةٍ من نرجس خذني من ايدي يا الغلا وحررني محتاج احيى مثل باقي العالم المس وجودي مثلهم واشعرني يرضيك يعني احتضر بغيابك؟ اطلق سراحي قبل ما تخسرني شفني وانا عاقل وماني عاقل ما غير قربك يا الغلا يخدّرني
__________________
انا غريبٍ مر بالارض عابر لا تسأليني من انا / صدق مـ ادري في داخلي بركان للحين ثاير وارضي الجنون وامتطي الحلم مهري
|
|
| أدوات الموضوع | |
| انواع عرض الموضوع | |
|
|
 |
 |
العرض المتطور
