بدونك احضن اللهفه واطالع في مرايا الدار..

[أنور السيفي]

السلام عليكم ورحمة الله وبركاته..
الأعزاء عشاق الأدب..
السفرّ برفقة قلوبكم له
محاسنه..
ومكسب لكل الأقلام
التي كل همها الوصول
لرضى ذائقتكم..
احترامي وتقديري

بدونك احضن اللهفه
واطالع في مرايا الدار..
عسى من كان في قلبك
يمسيّه المسا بالخير..؟
ويصبح يلبس اوقات ٍ
تعايشها
ندى روياك
انا لو قلتلك ورد ٍ
تعلّق في نقى اسنينك
يعيش العمر في وصلك
وناصف بالوفى دنياك..
تريدي تعرفي حالي..؟
كفايه ملّ منديلي
كثرّ ماتبكيّ اعيوني
وانا في غرفتي مرماي..
على سجادة اوقاتك
ونوته
تعشق ايدينك
تقول الله يادنيا
متى بتعودلي والقاك..!
شوارع حارتك تسأل..؟
وحال الناس مسكينه
كثرّ ماعاشت اوقاتك
وتتعشم ضيا ملفاك..
وانا في حضرة اغيابك
صيام ولامني جيلك..!
ابد مامرني فبعدك
شعور الأنس في دنياي
متى بتعود لي عينك
واعانق رعشة اجبينك..!
تعالي..وبس ذا يكفي..
انين الحزن في بلواااي...
مسافر دونما فيزا
مدامي
صرت مجنونك..
تريد الروح غايبها
وانا للحين
في منفااااااااااي..!!

اجيب الكاس ممليّه
بطعم الصبر واتمنّى
اشوفك بكره في
عين الحضور
واحتوي روياك
واسولف عن مضى
وقتي
والف الشوق من
حولك
واذوب بحسّك الهادي
ورقه تعرف
اوصافك
ينام الشهد بشفاهك
واهيم بريحة
اخدودك
واداعب حسن مجدولك
واقول الزين
جلاّسك..!
عباتك عانقت جسمك
وشاب النور في
لونك
وسافر للسما طهرك
وشاق التوت
عنّابك..
على اطراف راحاتك
وريح العود
بدخونك
سوالف عطر مع ورده
وانا باقول
يفدونك..!


وتاخذني الأماني طير
يحلق فوق غيمك عمرّ
ينافس رسم هالعالم
يناديلك
احبك حيل..
ياروعة جنة ايامي
يالبّا قلب شلتي له
عساك بفسحة الحاضر
ومزنه غيمكم برّاق