.:(."صُحْبتك كِذْبَه".):.

[راشد الخالدي]

المشاركة الأصلية كتبت بواسطة عمار السديري

*... صُحْبتك كِذْبَه ...*

تجيني تسكب عتاابك على جمرك وأنا بردان

....................... وتطفي جمرك الدافي ،وتهمس ْ ،، صحبتك كذبه
بِيَدّك سلّة أخطــائي ،، تِخَبّيها عن الغفران
.................. واْعيش بداخلي مؤمـــن ، وقف يستـغفر لـ ذنبه
صديقي !!كثير احتاجك أشوفك ماي للضميان
.......................أخااف آموت قبل اشرب ، حضورك وافرح بشربه
طفولتنا قضيناها – نعم – أكثر من الأخوان
........................... تقاسمنا أسامينا ،، وتشـاااركنا على اللعبـه
سنين المدرسة نَجْلــس بْآخر صَفّ نَاكِل "بان"
................... وإلى منّه حَضـر أُستــاذ ،، نصْرَخ له ،،ونطفربه
تعاف الأكل يا "غالي" وما تشبَع وأنا جوعاان
.......................... تبدّيني عَلَى نفْسِك، تِنفّس عنــي الكــربه
صبااح الخير نرسمها بجلستنا على الجدراان
.......................وإذا هالليل خاوانا ،،سهَرْنا فْـ مـلعب "الشعبه*"
مع إنه مـ أكثر أصحابي ، ولكن في بعض الأحيان
..................... بدونك كلّ جلساتي ،، مــعاهم تشْــبـه الغربه
ترا هالنّـاس تسألنـي ، تقلّي: وين عنك فلااان ؟!
....................... وأجااوب : عنده أشغاله ، ويكشف حزني الكذبه
أنا يا صاحبي جيتك إذَ اْنك عااتب و زعلااان !!
................... أبعـرف وش سبب زعلك؟ وش اللي ضيع الصحبه؟
إذا كان الخطأ منّي ،، تــَراني في الأخــير انسان
.......................... مردّه إن غلط يرجع ،، ويسأل في الدعاْ ربّه
تعرْف إن النبي ينهي ،، عن الغيبات والهجران
............................ وحنّا من ثلاثة شهور ما به من طفا حربه
تعاااال ورجع أصحابك وخلينا نعييش الآن
.......................... ترا الإنسان أطباعه تبيْن إن جااات من قلبه

* الشعبه : منطقه في قريتي

صح لسانك أخي عمار أبيات جميله
أعجبتني كل حروف القصيده وذكرتني
بي اجمل ايام المدرسه والصحبه الجميله
في هذا الوقت تفرق كل اصدقاء الدراسه والحاره
بسبب الاعمال
لك كل الود والاحترام تقبل مروري