القصائد الفائزة في وطيس الأدب

[صالح السنيدي]

تم أمس أعلان النتائج .. للشعر الشعبي .. لمسابقة وطيس الأدب 3

والتي تقام سنوياً على مسرح الكلية التقنية العليا .

والتي تشرف عليها جماعة وطيس الادب .. وهي مسابقة ذات أصداء عاليه

وتتميز بتنظيم رائع رفيع المستوى ..

وجاء النتائج كالتالي ..


المركز الاول .. للشاعر / عادل التويجري

عن نص ..

عنوانه ( دمعة المهجور )

دمعة المهجور
أنا مع هالمِسا راحل بقلـبٍ مـمتِلي أوجاع
وصدرٍ ضايقٍ كنّه مدينه شعبَها مأسور

ذبيحة فرحِتي جيتك وعندي من هُمومي باع
كأن الهم خُلِق ظلّي لـذا دايم مـعي مـذكـور

كذا هو يحتفل يومي بجرحي في مداين قاع
ومع هذا سرى قلبي ( حبيبة ) يا شبيهة حور

يترجم من فرح عمري حكايا في زمن خدّاع
ويبني من فكر ثابت دروبي للمعزّة سور

على الموعد حملت الحب وأشواقي طِفل منصاع
وفي كفّي زرعت الفُل أماني ثايرة وزهور

انا جيتك بـ أحلامي وفي جوفي قفص طمّاع
عصافير المحبة جتْ وهو بس طالبك عصفور

ولكن دمعتي هلّت نتيجة واقعٍ لسّاع
تمر ساعة ورا ساعة وأكثر ما بقى ديجور

هنيّالك عرفتي تذبحي فرحة مُحبٍّ ضاع
تبعثر مع نسيم الودْ \\ غدى من صدمته مخمور

عتب يحكي ظلم يشكي نعم يبكي جفا اطباع
حسافه يا زمن جاير جريمة حكتها مسرور

حنين الشّوقِ يترامى على رملة بحر ملتاع
وكن الشّوكِ في رجلة يصارخ يرتجي لحضور

هدير الموجِ والنّجمة وساعة تشعِل الأوضاع
تبسم كل أحد غيري وحالي بلجفا مكسور

فضى شارع\طفا نوره\ومات الحلمِ فالأضلاع
كسر موته\دفا صوته\وطن شوقه\وصل مبتور

يـ شوكة زيزفون الحب وأحلى من لبس لقناع
دفنت الحب وأقلامي ودفتر كم نزف فسطور

ابرحل تاركٍ دنيا عوايدها لوي لذراع
وأصرخ يا حزن اعزف لحن نايك ثمان شهور

لأني عارفٍ حكمة.. بعد طبعي .. صعب إرجاع
سفاين غادرت مينا تحطّم وإنكسر بلّور

غريبه من زمن صنته \\ روى عمري حزن انواع
م غير اللي بقى صبري يواسي دمعة المهجور



ـــــــــــــــــــــــــــــــــــــــــــــــــــ

وجاءت في المركز الثاني الشاعرة / نوف السيابية .

عن قصيدة.. عجز الشعر ..


عجز الشعر

أَبَكْشفْ لِلْمَلَا جُمْلَةْ حَقَايقْ حلْوَهَا مُــرّه
وَمَوْضُوعِي الشعِرْ إِيهِ الشّعِرْ لَا تحْبِسُوا الْأَنْفَاس

أَبَدْ لَا تحْسُبُواْ أنّهْ هَذِي هُو نَاتِجِ الْخبْرَه
دِلِيلِيْ هُمْ كِثِير(ن) منْ يِعَدّواْ فِالشّعِرْ ذِي سَاْس

أَنَا مَا جِيْتِ إِلّا كَاْشِف(ن) قِدّاْمكُمْ أَمْرَه
أَنَا مَا جِيتِ إِلّا طَاْرِق(ن) عَنْ حَقّنَا أَجْرَاْس

تِشَابِهْ حَسرتِيْ عَبْرِةْ قِتِيْل(ن) إِكْتوَ بْحَسْرَه
فِنَى عِمْرَهْ لَجِلْ خِيْل(ن) رَمَتّهْ فِي صَحَاْرِ يْبَاْس

أَنَاْ مَا نْكِرْ دِرِيْتِ انْ ذِيْ الْمِطِيّهْ رَكْبَهَاْ عَسْرَه
مَغِيرِ انّيْ رِبِيت الْجِمْ هِنَاْ كِلْ هَاْيِج(ن) مِحْتَاْس

تربينا على قول المثايل هي غدت فطره
نروضها كذا ولكل صعبه قايد وسياس

تقل بيح سدودك قولها بس وانهي الهذره
بقول أن الحكي مر(ن) تقلد وحشة الأغلاس

تخيل ناقص(ن) علم الشعر إللي اوصلك خبره
تقل مب صاحي(ن) ردي هنا يا ليتها هوجاس

تكشف عجز كل علم الخليل إللي سلف ذكره
بعد ما قد تعلت في بحوره موجة الإحساس

أنا ادري بنها صعبه لجل تستوعب الفكره
تعال وقل لي أبيات(ن) وفته صاحب النوماس

تعال وقل انا اتحدى وعمري ذا بتختصره
إذا سمعتني شي(ن) وفى سلطاننا ذي الباس

يعلم مبدأ الترتيب في الذرات كل عبره
من الكربون ينتج يا فحم أو بارق الألماس

ونا مهما أرتب في الشعر ما خافي(ن) سره
أمامه سيدي ماس القصايد يستحيل نحاس

تحدت من قبل يك البحور المترفه قدره
نزع بطروف قدره يكها من أصلها والساس

تجي مثل الصدف إللي بغى بس يحتضن دره
ولكن النتيجه تنكسر لان السبب القياس

أشوف سّـأل في عين الملا مطاير(ن) شره
ونا دري في قصيدي مشتغل كل الفكر في الناس

لكل من جا وسأل كيف القصيده ذي بلا كسره
يجي ردي وطيسي وفسما الأشعار أنا جرناس

على إيدي انولد صعب الأدب لين اشتعل فكره
كذا سر القصيده أو حذاري لابسنها مساس

ـــــــــــــــــــــــــــــــــــــــــــــــــــــــــــــــــــــ

وفي المركز الثالث جاءت الشاعرة / زكية الغزيلي

عن قصيدة / ( حكاية جرح )

-';حكاية جرح -';
على سطح الهوى ناطر وقلبي ممتلي بالخوف .
يجيني ف الشهر مرة وخوفي بس يبدلها .

يجيني فأوله ناحل يناديني أريد الشوف .
بغيت الدمع يتلملم و ندري صعب ألملمها.

رفعت بكسرتن بيدي وأدري ما تملي الجوف .
أخذها بإيد مكسوره وأعرف سر كاسرها .

بدء يسأل عن أخباري ويحفر في خفاي ظروف .
بداله هالظروف جروح حقد بإيد جارحها.

بدء يفتش ع أصل الجرح يجمع هالمعاني حروف
.لقى أصل الحروف جروح حزنن ما يرممها .

أخذ يبكي دموعه دم وصوته حايرن مرجوف .
يناديني تعالي بحضني الدافئ تعالي لاطيرها.

تعالي واسرقي قلبي ونا يالغاليه ملهوف.
تعالي و امسحي دموعك وكفي من نزايفها .

تعالي و اتركي الدنيا ودمن سايلن منزوف .
ترى قلوب البشر غضه ولا تدري بفعايلها .

أنا سلمت لك عرشي وجندن صعب ان يعوف .
بخلي دمعك الحارق يحرّق شخص حارقها .

تعالي و اتركي همك ترى عوق البشر مطنوف
.إذا ما يأخذوا بأيدك بيترجوا عطايفها .

كذا ناديت يا عالي ترى حبي إلك منسوف .
بدون إحساس قبلته وأخذ إيدي وقبلها

.أكيد بتعرفوا القصه حكاية نجمي المعروف.
عطى كوكب من أنواره ولا عرّف بنايرها .

عطاني بعض أنواره ووقف حزني المجروف
أمانه صار محبوبي ودقاتي ونابضها.



ألف مبروك للجميع ... ونتمنى لهم مستقبل رائع ..


تحية */ صالح السنيدي