تشابهنــــــا / جديدي 2010م

[رضوان الهاشمي]

السلام عليكم
تحية لهذه القلوب التي تنزف شعرا
وهذه المشاركة تعبير عن جسر التواصل بين الأحبه









تشابهنا






إبْملامحنـا تشابهنـا انـا ويّـاك يـا عـمـري
من يقول العين نامت قبْل ِ ماترحل إلـى ذاتـك

خبّريني حلم ليلك ليـه نومـه عانقـه سحـري
سحْر ماقبل ٍ تأخّر لا تسخّـر بـسْ لراحاتـك

إنْشديها وإنْشدي روح ٍ حساها ساوره صبـري
عن غياب ٍ جفّت إعيوني سواتـه بعْـد غيباتـك

ضامين ٍوالجوف نشّف،والهوى ضيّق قفص صدري
لا تشدّي الهجْر فينـي أو تزيديهـا حساباتـك

كم كتبتك في حساباتي وكم قلت الوقتْ بـدري
وانتِ ياوقتي وكلّي مايفوتك وقـت لـوْ فاتـك

لك سجل ٍ في خفوقي ماطويته والزمـن يـدري
لك قلبْ يسكن ظلوعـي مانبـض إلاّ بآهاتـك

لك ولك أشْياءَ يا ظـل ٍتبعتـه ويـن مايسـري
البدايـة لاسألتينـي وفيّـة يــا بدايـاتـك

رحْلتك ويّاي غيمة كلّ ماضْمى سيلهـا يجـري
رافقتنـي والظّمـى مـرّه تلاشـى بإرتواءاتـك

واتصالك صوت.. بإحساسه تلبّس عطرك العذري
ودِّ يادفئ المشاعـر تنسجينـي فـي جراحاتـك

آه يامحلا سواليف الغزل لـو سامـرت سهـري
تنسج الضحكة دواخلنا و ِتعكسهـا ابتساماتـك

شبِّ ياجمر المحبة ووأقظي مـن داخلـي جمـري
المحبة لـو تميـل اشـوي عدّلهـا استواءاتـك

عطّري صفْو الحكاية وأشعلي من نورها شعـري
جمّليها في عيونـك وأحْمليهـا بيـن راحاتـك

أسجنيها بينَ أنْفاسك سَلاسـل قبْـل مـا أدري
وقدّميهـا لـي هديـة أنتشـي منهـا فلذاتـك

شايف الدنيا جميلـة خطّهـا معصـور فكـري
لجْل ترسمني قصيدة تنعـزف سِلْـوة لساعاتـك

كلّ جرح ٍ في حياتك إشتريتـه والزمـن يـزري
لانّك إنتي بسْ جروحـي لا شغلتينـي بغاياتـك

سافري فيني حقيقة وأعبري الساحل على بحـري
لك سفينة غادرتني شـوق تسعـى لتّجاهاتـك

بوعدك مدّي عيونك في عيوني وأحزمـي أمـري
ما أنا بسْ صفحتةٍ نالـت حناياهـا بصفحاتـك













لكل من يمر










15-9-2010م
رضوان الهاشمي