انفاس الحكي

[الشيخه]

بسم الله الرحمن الرحيم


أعتذر عن طول الغياب


واليكم ..

أنفاس الحكي





لو ال صـباحي صوت أو فاه ولسان

بوصيه يحكي ويش انا بقلبي يجول


ويذاع صوته ع المــلا في كل مكان

ويبث انفاس الحكي وقت الهطـول


يوم المـطر مـدرار وغصوني ليــان

وضلوع صدري أيقنت معنى النحول


أمسكت ريشه حبر واطلقت العنان

للـي هواهم جامـعن كل الفــصول


حره لهيب الصيف واشواقي سيان

برده بـعــادن ثقّـل أكتــاف الحــمول


وكن الربيــع أزدان في شوفه وزان

وزهـور قافي صابــها ف هجره ذبول


وكن الخـريف صــدود وجروح الزمان

وتساقطت ثمرات قلبي في ذهول


كان الامــل يا صبح عندي يوم بــان

كنه شروق الشمس اوقات السيول


واليـوم حالـــي يشبهه عض البنــان

يوم الفــكر جاهــل حسابــات الحلول


أزريت وحـدي والــمدى مابه أمــــان

والـناس تــفرق بين أخيـار وعــــذول


أمشي على النيات وأفعالي حسان

والعقل سرجن أسرجه سرج الخيول


والعشق دينن بين ديّــان ومـُـــــــدان

والحــب فـطرة وإبـتسـامات ومـــيول


اللي قليبــه قد هوى شخصن وصان

واللي يحبه مالـه اف قلبــه قـبـــول


يا صـبح قـلي لـو زمان البــوح حـــان

والصمـت كنه ناعس الطرف الخجول


بوصيك وأحكـي كـان لك فاه ولسان

وصّـرح عن اللي كل م بقلبي يجول