ألبوم الصور - قصيدة

[حمود المخيني]

السلام عليكم

اطلالة جديدة .. شاركوني هذا الشعور وليعذرني من يتأثر بها كتأثر صاحبها
اشعر بأنها ملحمتي الشعرية الجديدة

في ظلامي / تحتَ حزني / دونَ أيْ حنيّــة
بينَ جرْح وْبينَ جرْح وْ فوقه وْ تحتيـــّــــة

برْدَََََ وااااايد .. والمصيبة ! .. ما معي كبريتة
وتحتضر ناري ! ...ونا متلحّـــــــــف بــْــيـــديــّه

ليش ناري ما تورّث نورها حق عيني ؟!
أو تورّث من حرارتها عليّ شْْويــّــة

صيفَ هذا ! ... والحرارة تحتضن كلْ حـــاجة !
غير صدر ٍ نامت ( الحمّـــى ) معه ليليــــّــــة

( الجسم سااخن ) ولكن ..أشعَر الجوْ بااااارد
ضيق / حمّــى / وجه شااحب / نزلةٍ برديــــّة !

آآخ من هـ الليل .. واْعْوانه .. وَ ربْعه كلْهمْ
من يوقـّـــــف ( ظلمَ كائن ) دوم روحه حيّـــه !؟

ما توقّعت النهار .. يخاف ( هيئة ظلّـــــه ) !
وما توقّعت ( الظلال ) اتحرَّكَ ايْ شيْ فيــــّه !

ليش ضايق ؟؟ .... ليش اصلا ما أضيق وَ أحْزنْ ؟؟
دامَ من يملك ( سروري ) رآآآح ... ما له جيـــّه

ما عشقته ! .. ما هويته ..! لكَن اسْمه ( روحي ) !
غصْبَ عنّي ( أمسَك الماضي ) و أبدأ طــــيّـــه

علّ يرجع لي .. وَ يذْكرْ شاعِره واْبْياتــــــه
كيف ضحّت له ( دموع ) وْ هاجَرتْ جفْنيّــــه

كيفَ كنْت اجْمع ( سعادة ) منْ ( سعادة قلبي )
لينَ اْغلّفـــها بــِ جلدي... - له فقط - مهديــــّة

كيفَ كنت امْنعْ دموعه لا تَطيح وْ تذْرفْ
مثْلَ حارس في جفونه ( واقِف بْرجْليــّــه )

يا دموعه : لا خروجْ وْ لا دخولْ وْ يعني
ما بعد ( منفى جفونه ) طلعَه وْ حريّـــة !

كمْ عَشانه صرتَ ( مايْ ) وْ قلتَ : يالله اشْربْ
وْكمْ عَشانه صرتَ ( جمرْ ) وْ قلتَ : ادفى بيــّــه !

ما حَــــسبْت انّـــه كذا بيْروح عنّـــي ...لكــــن
( ألفَ غيري ) ما توقّـــــــع يفـــتقــد راعيـــّـــه

قلت: عاادي .. كنت أكذب .. ليتّ لو هو عااادي !
قلت : يرجع .. كنت أحلم .. ( رجعةٍ وهميــّــــة )

" فصّ ملحْ وْ ذاابَ " يعني ما بَقالي ايْ شيْ !
غيرَ ( ألبومْ الصُّورْ ) . . . ! . . . وبـْــلا ( صُوَر مرئيـّـة ) !

من خَيالي امتلى ( ذكرى ) بِأسودْ واْبْيضْ
واحتوى بعض السّوالف داخله ( حصريــّــة )

بين صفحاته تعيش ( أحلام ).. - أقصد - ( طيحة )
صحّ !! .. كاااااانت بينها ( أحلامنا الورديــــّــة )

في غلافــــه صـــورة الطّفل ..الســــعيد ..الباسم
صح !! .. صااارت ( شيخ أشعث ) مبتلي به ( زِيِّـــــه )

أوَّل الصفحة ( رفــاق ) وْ شوق طاغي .. عاارم
وآخر الصفحة ( فراق ) وْ ( طعنــةٍ ظهريـــّـــة )

صدْقَ .. ) ألبومي ) حفظ أوقاتِي َ وْ أوقاتــه
غيرَ انّــه ما حفظ ( أشيائنا الحسيــــّــة )

صدْقَ... ما يقدر يواسي دمــعتي وآلامــــي
بسّ . . .! يكفي لجْلَ أكتب للعشق مرثيّــــة !!

ياااه ما اقسى "بداية" تــــبتدي بنْهـــايـــة !
وْ ياااه ما أهْونْ "نهايـــة" بـ ( الرّضا ) مبْديّـــة

كان يقدر يرجَعْ وْ يقــدر يَــــــنوِّر درْبــــيْ
بسّ غابْ وْ عاجِبـــه يحْرمْ ( دروبي ) ضيـــّـه !

عاجـــبه ابـــقى وحيدٍ ....دونَ ايّة وجْـــــــهة
زين راضي !! .. بسّ ليته ..جابَ لي طاريــّـــه

كان يقدر ما يفارق اصبعي واحضاني !
بسّ راااح.... وجاتَ لي هــ ( الملحمــة الشعرية )

هكذا اتت .... في أحدى الليالي الشاعرية ..

تحياتي