عسى مرّت أحاسيسي من الشبَّاك

[يقظــان الشهيمي]

عسى مرّت أحاسيسي من الشبَّاك

ونامت تحت أهدابك وريَّحتك

شـ أسولف لك؟

وشـ أحكي لك؟

حبيبي لا يمر اليوم من دوني وأنا ويّاك

وأنا غايب

بدون أعذار

وجرّحتك

تجرّعتك

وقلت الصبر

أموت

وأحياك



يا أجمل شيء فالدنيا تعلّقتك

أنا الشاطيء

وأنا المينا

وأنا الأشياء خذها وياك

وأنا لك قبل لا تنسى

قصيدة ما تخيّلتك

وصوتك أمس

جرس دافيء

تناغم فيه إحساسي

وكنت أكتب بـ كرّاسي

وذاب الهمس

حبيبي

صار ميعادك

يسألني

ويجاوبني

وإذا جيته يعاندني

تضارب بالقمر والشمس

حبيبي وقبل لا أنسى

وقبل أيامنا تقسى

تذكّر كل أحلامي

وأيامي

تذكّر كل تفاصيلي

قصيدي لك

وكلّي لك

ومدري ويش هوْ باقي

أنا ما قلته البارح؟
على وجه المسا الجارح

حبيبي لك هنا قصّة

بعد ما جاتنا الفُرصه

إذا جيت بصلاتك بس لا تنسى تعانقني


يَقْظَانْ