اقتباس:
المشاركة الأصلية كتبت بواسطة نوره البادي
حشا مب مواقف !!... ماعرف علامها عيني تعورني
وتراها مجيوله مايشهد للعروس غير أمها ..!!
|
أفا بس أفا .. عينك تعورك والصيدلي موجود ..
جربي خلطة (زيت ذيل السنور) مع شوية أكسيد الزرنيخ .. وحمسيه على نار هادية لحد ما ينشف الزيت .. ويصير عجين .. حطيه في تولة .. وكحلي به عيونج في الصبح قبل آذان المغرب .. أول شي بتشوفي أبيض وأسود .. بعدين ما بتشوفي شي أبد.. بعدين بتشوفي حصيني يسوق نيسان ويدوخ غليون .. بيقولج .. بصي معاي .. أربي شوي .. كمان شوي .. نحن كنا بنهزر مع حضرتك في برنامج الكاميرا الخفية
بعدين أنا ما فهمت .. أنا العروس تو ولا أمها ؟؟
مصطفى أخوي ليش الفضايح .. ؟؟ لازم قصة من الماضي يعني ... خذ هاذي:
كنا في يوم ناوين نطلع من الدوام نروح عزاء واحد من الربع خارج مسقط ومعنا واحد من الشباب ذيب ما شاء الله عليه .. قالنا تبعوني بالسيارة أنا أدل المكان .. ونحن سيارتين وراه .. إلى غاية ما وصلنا المسجد .. نزلنا من السيارات كاشخين بالمصرات والبواكير .. وحصلنا الناس في المسجد.. دخلنا .. (أحسن الله عزائكم الجماعة) .. والناس يردوا .. ( لله البقاء والدوام) .. وسلمنا على ما يقارب 100 نفر .. وصاحت القهوة والفوالة .. جلسنا شوي .. وما شفنا ربيعنا عشان نعزيه .. وصاحبنا الذيب يقول أنتظروه تو جاي .. يمكن داخل يزهب الغداء .. يمكن متأثر ومصدوم وما قادر يجي .. ويمكن .. ويمكن .. المهم ربيعنا ما بين ..... قلنا نترخص عاد ... وهي الدورة على 100 نفر .. ووصلنا للناس المتوسطين وسألنا واحد من الشياب .. وين ربيعنا فلان ما شفناه في العزاء ..... قالنا فلان من ؟؟ ما أعرفه ؟؟
رد علينا واحد جنبه .. هذا عزاهم في الحارة الثانية
عاد ما حرقنا ....