هذي قصايد من فكر كل همه يفيد البشر

[منتصر النيري]

السلام عليكم عساكم بأطيب حال عوده من جديد وقصيدة بسيطة عسى تروق لكم




بكتب قصيدي يابشر بس منكم أبغي العذر
عشان أشوف عقولنا ونفوسنا وأحوالها

لا عاد تنفع قسمة(ن لحلولنا والا الجذر
حتى النصيحه ما لها في هالزمن مثقالها

والدنيا تظلم حولنا ما عاد ينورها البدر
والحقد زايد والقلوب مقطعين وصالها

نجمع دراهم همنا ننسا نجمعه الأجر
ونخاف ذكر الآخر حتى ولا نسعالها

مدري الزمن من قسوته أحساسنا صاير حجر
والا العقول مسكره كثر الجهل أقفالها

صار التفاخر همنا وأخلاقنا كذب وغدر
مال ومناصب شاغله كل الفكر نرقى لها

ما يهزنا ذكر الممات ولا يخوفنا القبر
دايم نشوف من العبر لكن ولا نفضى لها

أسألك يا ربي الثبات وأسألك كل الصبر
وأدعوك ربي نجني من قيدها أغلالها

هذي قصايد من فكر كل همه يفيد البشر
وأرجو السموحة لو يجي بعض القصور ينالها

هذي مشاعر خافقي ما نهيها لو جف الحبر
هاجوس شعري لو نزل يلهم معاه خيالها

وسلااامتكم
منتصر النيري