لا تشتكي....

[مازن المعمري]

يا ويل قلبن تالي الليل مجروح
يمسي ودموعه معسكره في صباحه
يشكي مــن الضيقه على كبتت الروح
في معركه للصبر وضيع سلاحه
صاير عجول ولهفته سر مفضوح
مأخذ على وجهه جميع المساحه
صاير يخالف كل مـْ♡ـْْـْْْاًّ كان مسموح
وصاير بيعطي للمخالف سماحه
قلبه عله خله مــن الهجر مشحوح
صلى بيستسقي ومطرها إنشراحه
ماتت طفوله في عيونه مــن البوح
وشكاه للعالم يعرقل كفاحه
لنه يشوف بعطفهم بنه مطروح
مــن حسبة اللي فاز وأعلن نجاحه
أكبر خطاه أنه على الشكو مذبوح
ينشر غسيله وفالشوارع جراحه
مـا كل مــن زهله عمر حب بيروح
يحكي ويطلق في كلامه سراحه
باكر بيندم يوم مـْ♡ـْْـْْْاًّ ينفع النوح
ولا ينفعه فالناس شكله وفلاحه
وما ينفعه أن كان له جد ممدوح
ولا ينفع الإعصار حتى السباحه
خلك رجل معنى رجل دوم ممنوح
بيض الوجه بالفعل يدفن قباحه
ولا تجهر بهمن له الله وتشوح
وترسم سمواتك عيوب وفضاحه
إحمد اله الكون لا كنت مجروح
ومنه الفرج بيجيك بأول صباحه