على الراحات خونيني

[يقظــان الشهيمي]

صباح الخير,..’..,

كل عام وأنتم بخير بمناسبة شهر رمضان الكريم...

أتيتكم بقصيدة إرشيفية أتمنى أن تليق بذائقتكم....

على الراحات خونيني

فقير الحــــال ليش أنه خدعتيني بنظــــــراتك
وليش إنـــي فقير الحال ضحكتي من قفى عيني

خيـــانه كانت الصدمه وانـــا المخدوع في ذاتك
يـــاموعــــد كنت له ارقب قبل هــالعين تبكيني

ما عاد وما مضى يمضي وعيشي اليوم راحاتك
وكســـر الخبز أفطر بـــــه على لــوعات تكفيني

رحلتي ..بس مـــــا ودك تصفي كـــل حسباتك!
رحلتي وكيف مــــــا قلتي طعنت القلب بيديني؟

جــــروح الهم بي زادت وتكبر بي معـــــاناتك
وأنتي اللي بعد كنتي حكـــايه مـــــــوت تطويني

أســـــامح كثر غلطاتك وأعـــدّي كثر زلاتـــك
لأني مغرم وعــــاشق طـــــريق الصد يرويني

يـــا بحرٍ خــانته دموعي قريب الوصل منجاتك
شـــراعٍ قد كسرتينه بـــوسط الظحل مـــن طيني

طــــريق الغـــدر تبغينه وتخــدعني مناجـــاتك
وكل اللــــي قصـــدتينه يقطّــع لــــي شـــراييني

كفـــــايه يــــا هوى تكفى تغطي كل مأســــاتك
تبي ترحــــل علــى كيفك طلبتـــــك بس خليني

أبــي أكتب على صدره تخــون العشق حالاتك
وأبــي أنقش على كفه وعـــــدتي وليه خنتيني؟

وأبــي اكتب على خده كذبتي بصدق اوقــــاتك
وأبــي أكتب على رجله مـــداين قبــرها سنيني

ألا يــالله فــــي صبرك ظفرت بحسن نيــــاتك
تــزوجني من الجنــه وبنت الحــــور تكسيني

وهـــالدنيا معانيها عذر مسموح قــد فــــاتك
وقصه عشق منهيـــه خذت عقلي مع الـــدينِ

عفى الله.. من كتب شعره مرتب حرف أبيــاتك
عفى الله.. مــــن رفـــع كفه الأ يــــارب تهديني

تركتك يـــا عشق دنيا ولا مقصد لحـاجــاتك
و دام الآخــــره جنه خذي راحتـــــك خونيني

تحيــاتي / يقظـــان الشهيمي