شوفي الهوية

[mubarak alseyabi]

المشاركة الأصلية كتبت بواسطة محمود النبهاني

سطرت لك منطوق ببيات شعرية
من واقع اللي صار حطيت عنواني

لحظة يـ بنت الناس سمعيني شوية
واخذي كلامي من منظور إنساني

شفتك مبين الناس بهدوم غربية
لاستر لاحشمة لا عرض منصاني

من بنطلون الجينزوبلوزة وردية
فيها اللي يبرق من أشكال وألواني

حتى الصدر مكشوف ظنيتي حورية
والوجه بالأصباغ تارس وغرقاني

شعرك بدون حجاب في السيرة والجية
تمشين مشي الخيل والجسم ميلاني

ظنيتي انك في مأمن وحرية
لاوالله ذا كله وسواس شيطاني

في القوم ماتسوين بيسة وروبية
مايرحمك في القول حلقٍ ولا لساني

مثل الأكل متروك من دون تغطية
بيحوم حوله كل نملٍ وذباني

شوفي الهوية تقول إبأي جنسية
مولودةٍ مابين نخل وبستاني

لنتي من الألمان ولنتي فرنسية
حنا بنفس الدم في أصله عماني

قلتيلي بنت فلان يعني قبيلية
بس وشيفيد اصلك مادام محلاني

فرطّتي في أصلك صرتي حداثية
واللي يفرط في أصله ترا جاني

صارت تقاليد العربان منسية
دم العروبة ما تسواه أثماني

كيف استمر وياكِي واحسن النية
كيف أفخر لقربك مابين عرباني

شوف الحيا مطلوب في كل ابنية
من تركته صارت في همها تعاني

صارت كما الرجال في كل شخصية
مـ يريدها غير اللي صار جوعاني

هذا كلامي قلته دون تزكية
مافي بشر إلا ويكون غلطاني

بس خير من يفهم أخطاءه وش هيّه
يرجع بَعَدها للمعبود ندماني

صح السانك يا أيها الشاعر البارع
أحسنت الإختيار في الموضوع
وأجدت التعبير عن واقع الحال
بورك فيك أخي