ضي القمر

[عبدالله القاسمي]

بسم الله الرحمن الرحيم

السلام عليكم ورحمة الله وبركاته

حبيت اقدم لكم هذا النص عسى ان ينال على اعجابكم

كل ما فكرت في ضي القمر *** أو سرح فكري وسافر للجنوب
تنتشي فيني اماني من شعر*** لجل أكتب لك قصيدة يا طروب
يا نظر عيني كذا يحلى السهر*** لو يداعب شعرك الأسود هبوب
أو تسامرنا إلى حـد الـسـمر*** و أنت بقربي وأنا جنبك أذوب
نكتب البسمة على شط البحر*** و نرسم الـفرحـات بـيدينا قـلوب
يا بـعد عمري ويا العود الخضر*** يا خلاصة شهد يا عشق الغروب
أرتجي رؤياك لو فيني قـهـر*** و أسعد لشوفتك يا الريم اللعوب
أنت لدنياي روحي و النظر*** و أرتقي لصعب دام إنك صعوب
وصف حسنك بكتبه شعر ونثر ***و أشهد إنك فالحسن منت مغلوب
لا نطقت الحرف يرتاح الفكر ***خـالقـك ربي خـالي من الـعيـوب
يا عسى يحفظك ع طول العمر*** يا غنات الروح يا احلى القلوب

وسلامتكم