قرب الثّريا نجمة سهيل

[بو ميحد]

المشاركة الأصلية كتبت بواسطة عبدالله الراسبي

قال عبدالله الراسبي

فوق القرش زيدوا ربابي ******

كيف حالكم خوتي وربعي **** ي اهل المعزّه والصحابي

رحمه بحالي يا زماني ******** لا تزيد نارك في عذابي

سالت ترا دموعي كفايه ******** والقلب ما فاد بجوابي

من زود همّي والهواجيس ******* عيّن يشلّنها الرّكابي

في خط مسْيار القوافل ******* ابكي ودمعي ف انسكابي

سلمى الدنى زمطي وزيدي **** صبر الحبن مر الشّرابي

سنتين وانا عيوني اتريى **** وهمّ الحزن واقف ع بابي

قرب الثّريا نجمة سهيل ******* ما بين قمره والسّحابي

تنشدني عبدالله علامك ******** مشغول بالك والصوابي

رديت يا نجمه امْحبوبي ***** ما ياني مرساله وخطابي

متوشلن بايت ومهموم ******** سهران وعيوني ترابي

كلعاد له سنتين غايب ******** ويومين زايد فالحسابي

مشيت للعرّاف انشده ******** رد لّي ما ريته ف كتابي

الله على يزعة فواده ********** سافر وخلاّني ورمابي

والخاتمه مقدر اظلمه ********* والحجّه عنده والغيابي

وتقبلوا تحياتي

كلاماتٌ نابعة من لسانِ فصيح وتعبيرٌ من شاعرٌ متميز وااصل إبداعك