نـاب الـذيـب..!!

[حمود المخيني]

[color="rgb(65, 105, 225)"]

اهلا بك يا سلطان


مشاعر جميلة

ونص جيد وعذب يوجد به بعض الهنّات ...
جميل .. اشتغل على تكوين الصورة الشعرية أكثر ..
[/color]


حسبت إنك بتهواني ولا لحظه تخليني
وأمنتك على روحي وظنيتك تداريها

حسبت إن الجرح لازاد بـ إيدينك تداويني
وتداري جروح سهرانه وتسهر في لياليها

سبايب ظني الخاطئ ضاعت مني إسنيني
وتلاشت كل أحلامي دقايقها وثوانيها

أنا أخطيت في تقدير أوراقي وعناويني
مشيت أدروب خداعه وخدعني فيك خافيها

من أسبابك غدا جرحي يسامرني يخاويني
وسهم الغدر لي منك طلقته صاب غاليها

جرحني سهمك الجاير وصوب قلبي وعيني
وجروح الزمن صارت تباريني وأباريها

تكابر في جفاء قلبك تواعدني وتسبيني
تعاتبني على الغيبات لو صار العذر فيها

أنا بـ الوصل متواصل وأنته دوم تجفيني
كأني صرت بـ إيدينك بضاعه وأنت شاريها

سقيتك حبي الصافي وأنت المر تسقيني
وروحي صرت تهملها من أولها لـ تاليها

حسافه وقتي القاسي مناته بس يبكيني
حياتي دوم يجرحها ولا لحظه يداويها

ولاكن ما ألوم الوقت دام إنه الخطأ فيني
رضيت أبـ خل مايصدق وعوده ولا يوفيها

لاكن = لكن


وشـ حال الوفاء لا صار بـ النكران يجزيني
وشـ حال الجروح اللي الدوى ما عاد يشفيها


هنا في هذا البيت و الابيات التي بعده

يجب ان تضع ( وشـــو ) حتي يستقيم الوزن

وشـ حال العمر لا ضاع من إيديني وبيديني
وشـ حال الغنم لا صار ناب الذيب راعيها

ألا يارب أنا أرجيك من جرحي تشافيني
وأمانات الوفاء بـ دنياي أسددها وأوفيها

ألا يارب أنا أرجيك بـ الإيمان تهديني
وإلا من حل بي أمري حياتي بـ خير تنهيها



هكذا التنسيق المناسب للقصيدة حتى نشعر بجرسها الموسيقى



بانتظار القادم