مجموعة الشاعر حمد الخروصي

[عمار الخروصي]

________________________

مورق ٍ هالحلم
في جنة خيال الذهن
واعماق الوعي ..
طاحت سنابل من حقول الاسئله / طار الحمام
-والشعر مفتاح الوجود-
وخبز من روح الوحي !
***
غااارق في لذة هالسفر
يا نورسي الأعمى
إغواء آخر للمطر/لمّا يبل ورده
ذنب إنحناءه للفجر!
يا أرض تتعرّى شجر
هذا الجسد معبد !
هذي سماااء بوذا!
***
مورق ٍ هذا الحلم
حدّ النظر للغيم في رحم الوطن
في لهفة الوادي لأي بسمة جبل
في ظل عالم غيب من إيماااء
-في ذاكرة من ماء-
***

يا ليتني خنت الزمن وآنا صغير
وبعتني للريح..
وبعتني لهذا الجنون
ياليتني خنت الليالي واستبحت ف غرقتي هذا الظلام
وفي غربتي -حنطتها- سادية الصمت/ الكلام
ورميتني بهذا الطريق اللي ينام ف خطوتي

*****
مورقٍ هذا الوطن باكبر قبيلة للرحيل
تنتثر فيني لغه
وتندثر فيني حدود وينكسر فيني صنم !
هو- جغرّف التاريخ- بي في ذاكرة هالمومياء
مروّا عليها من بعيد أهل النخيل
وعلقّوا أسمي على نخله
وثمر شعري بلح حلم ولغه واسماء

أنا وشعري
نحاول نكشف المجهول..
أنا بشعري أوسِّع رقعة المجهول!