ي فاقد الأحساس ما تعطي احساس!!

[خليفة الصائغ]

المشاركة الأصلية كتبت بواسطة احمد المعمري

ولع لي السيجار واضبــــط لي الكاس
مانـــي بشــــارب لا ولا مدخن بــــعد

لكن ابي انسى وانا فينـــــــي احتباس
من هو يبادل بالحزن يعطي ســــعد!!

ي فاقد الاحساس ما تعـــطي احساس
وش لك تــــــذكر صاحبك لا من فــقد

الحب وعيون المــــــــــلايين والناس
والكبريــــــاء يدوسني لا من صـــعد

يا ليت لو بالفعل للاســـم نبــــــــراس
يعكـــس حقيــقة ما بطــن فـينا ورقد

هذاك اسمه سعيد واحـــــزانه اعراس
وهذاك همه هــم بس اســــــــمه سعد

و ياليت لو كان الفرح مـــــال ولباس
و ياليت لو بالفعــــــــل من جـد وجد

انا زرعت وشاهده ضــــــــربة الفاس
والمشـــــكلة غيري انا زرعـي حصد

ي ابوي ما عاد الأمــــل يقطع الياس
وي ابوي ما عاد الشعر ينـصف احد

خمسة سنين اتأملك مــــوت واحتاس
والحزن يا غالي على صـــــدري قعد

محتاجك؟؟ ايه والله تــناهيد وانفـاس
محتاجك اكثر من نظـــــــــر عيني بعد

محتاج لو تدري ايــــــــا عز هالناس
ما قلت فغـــــــــــيابك أحبــــــك للابد

بكيتك ونامت على جفـــــــني اغلاس
واليد اسكت ما بقت حيـــــلة ف يـــد

لكن علـــى كلن فــقدتــــــك و لا باس
يفداك دمع ويفدي الدمـــــــــع السهد

دنيا و انا واحـــد وهالنــاس اجناس
و ما كلهم يدرون وش معــــنى البعد

محتاج؟؟ ما يحتاج توصيلها اقواس
لكــــــن بفسرها علـــــــى قبرك ورد

اكبــر قهر لا حــــط في ارضك يباس
ما شفت ســـيل وتسمع ب اذنك رعد

درر ياحمد درر

ياسلام عليك

مبدع مبدع

صح لسانك صديقي
ودمت بود