عيـــد ميــــلاد الحــــزن

[فاطــ (محمد) ــمة عبدالله]

لوتوقدي شمعة حياتك مــن حطب حـــزني الكسيـــــــر
ثــم تشـــربي كاس النصـر مـن فيض شاطي مدمعــــي

فــي عيـــد ميلاد الحــزن كـل عـام وجــروحي بخيـــــر
فــي عيـــد ميلاد الحــزن عافــت عضامــي مضجعـــي

مليت وهمـــــومي قنوت وصــدري العــاري حصيـــــر
والجوف يضــرم مــن لهـب نــار ٍ وذابــت اضلعــــــي

شفــت العنا حـــولي شرى جمع القطا حزّت عصيــــر
فـي وادي ٍ يروي الضمــى مصــدر وروده مقطعـــــي

لا هـــو يبس مـــن شربها لا هـي ارتوت منه وتطيــــر
كيــف اليبس دام الدمــع ما يـــــوم فــــارق منبعــــــي

مــا يــــوم ايامـــي خلا منــها البكا ،، تعــب المسيـــر
حـافــي القـدم جيتـك انـا اصـرخ وصــوتي تسمعــــي

يا بنت اتعبنــي الدرب مــن حلكته كنـي ضـــريـــــــــر
لا شمــس تشـــرقــنـي فجـــر والبــدر عيّــا يطلعـــــي

يــرجــع صــدى صـوتــي إلـــيّ جفّـت ينابيع الضميـر
ثــم ينقســم منها كيـانـــي طيّـــرت منّـــي الوعــــــــي

شفــــت المسا ساحـة حرب مــن طعنته قلــبي اسيـــر
ويـــن الغــريبة فــ الأســر دامــي انــا مانــي معـــــي

تجـلــد هــمــومـك بالحشـا فــي واقعــي يشبـه غفيـــر
وانــا الفقيـــر إللـي شكــى ظُلـم الملـوك بـلا وعـــــي

قــالـــوا السفـــر تفـريـج هــم قلـت العــزم يالله خيـــر
لا جيــت انويـها بحــر خانت ريــاحــه اشــــرعـــــــي

كـــل السفـــن فــي بحـرها قـد واجهت نفـس المصيـر
مـا غيـــر تكسيــــر اشــرعـة ربـانها ضـاق السعـــــي

يــا حسبــة ايامـــي انـــــا فــــي عـالمك تقسيم غيــــر
اطــرح دموعـي م الألم وانتـــي ابساطــة تجمعـــــــي

تحصيل هـذي المسألـة :{ حزني وكـر والقلب طير }
رفــرف وانيابـك هوت كــن مقصـدك هــو مخدعــــي

كـــل عــام ياجـــرح العنـا تنــزف وانا صـدري كبيــر
فـي عيـد ميـلاد الحـزن ،، مـا غيــر ضحكة مطمعـــي

صباحك سعادة ..ايها الجميل ....

كم هو مؤلم ..هذا الجمال ...وهذا ما بعثرني على اعتاب ابياتك ايها الكريم ...
يسلم ربي هذا القلم من الالم ومن الحزن ....


رائع ما كان هنآ...سلمت وسلم بوحك من الحزن للمزيد من العطاء والجمال ...