يقلون ماتكتب غزل

[رامي العتيبي]

من الجديد لقلوبكم





يقلون ماتكتب غزل قلت الغزل دربه مابيه
الا يكون بصادق النيه وصادق ودها

عشان يوم اكتب قصيدٍ م احدٍ ايعيب عليه
يقلون وافي وانتي وافي والعلوم اتعدها

لاقلت ياست الحسن حالي من اللي مبتليه
تقول شوف الزين واعرف هزلها من جدها

سمحة محيا عذبة الضحكه وحسٍ معتريه
نشوة كلام اليعربي لامن عطتني ردها

وان قالت اكتب لي غزل والشعر فيني احتويه
قلت ابشري وجبت الهجوس الصادقه لا عندها

يالنادره ب الوصف ي اللي صعب ابلقى لك شبيه
يالفاتنه ياللي عيون الناس فيك اتلدها

تعجز وصوف الشعر والموقف من اللي يحتميه
ف اوجودها م اقوى ياكود اذكر فعايل جدها

ادب شكسبير ان حكت به جبت علم ل سيبويه
وارضيت جمهور العرب من حدها لا حدها

اذا حكو عنكم ي اسياد الهوى في وقت تيه
لعل من يحكي عن اسياد الهوى من ندها

هاذي حفيده من يشيل العود الازرق بين ايديه
لامره الطرقي حكى عن يده وش هو مدها

ولامرني ليل ف غيابك صعب م اقدر اهتنيه
وان مرني طيف الغياب اقول تكفى عدها