مساجلة رزحة

[يونس الغداني]

دارت محاورة بين الشاعر جميع البهلولي ويونس الغداني

يونس ...
سميت بمن منزل سورة اﻷنفال
والفاتحة والناس وسورة الفلق
وصلو على من جاه جبريل ويسال
وقرأ عليه السوره وبدا بالعلق


جميع...
جاته إمارة ربي في ذيك الجبال
في غار ضيق يعبد خلاق الخلق
وحالك سلاماً صافي يا خير الرجال
بعداد رعدن يدوي وما لاح البرق

يونس...
بنثر سلامي بعد حبات الرمال
وبعد ايامن ظهر فيها الشفق
هبي علينا الليله ياكوس الشمال
وبشوفكم زال الكدر وكذا القلق

جميع...
حيا بقولن شروا هاطلن همال
يطفي حراره وسط جوفي تحترق
من غيدنيه تمشي فالوغى تختال
لا صابها سهمن ولاطلقة تفق

يونس...
قولك عجبني يشبه صيغة اﻷمثال
متصفصفن يشبه كما عود الورق
قالو الغضنفر قلنا فارسن قتال
ماضنتي تختال وتشوف الغرق

جميع...
هليتني يا صاحبي شروى الهلال
وقلدتني تاج ووسامن فالعنق
أنته صحيبي يونس يا نسل لبطال
ذخرة يميني وللعدو ما ترتفق

يونس...
يفرح فوادي الليله وسرنا هالحال
وباب الفرح لن زارنا ماينغلق
الدار طابت وفرحو حتى العيال
وبوصولكم حتى اليهودي يختنق

جميع...
بعطيك لغزن وأنته للغز حلال
وعطني فسرهن وأنت عرافن حذق
عن معجزاتن حادثه ماهي خيال
عن ثلاثتن فالمهد كل واحد نطق

يونس...
عيسى وابن الراعي تكلمو اطفال
وذاك الصبي ينظر لامه يقول حق
كلامن عجيبه ومعجزة يضحك وقال
تباشري بالجنة هناك بنلتحق

جميع...
بخلف أمثالن جديده
من صافي القلب ووريده
دامنه الطرب يحلالي
بنغني بحروف الآل
... ... ... ...
هاليله ليله سعيده
طحنا به راعي الفريده
قولك سلسبيل زلالي
عذبن وتصوغ الجزال
......
يونس...
ابشر بللي باتريده
واللي ناقص بانزيده
منتعاقب بالتوالي
كل واحد يتبع مثال
....
عاني على دارن بعيده
وبنعيد الزمن بنعيده
ذي دارن مبها جلالي
ومبها حراس الجلال
....
جميع...
ل واحد سيفه بأيده
جندي والأمر من سيده
ترخص روحه للغوالي
وكفنه في يدينه شال
... ... ...
ودامنه الدرب با أتحيده
با أنتبعك جبال وبيده
لا تحاتي رؤوس الحبالي
با نرقى رؤوس الجبال
...
يونس...
يوسف عقوبه فمكيده
وخوته شلوبه الرغيده
هالله هالله ياعيالي
يوسف سروبه العيال


بوادعك راعي العقيده
وبعطي كل واحد بديده
رخصه ياخير الرجالي
والعذر يبغى مجال