محاوره

[حميد محمد السالمي]

محاوره بيني وبين الشاعر خليفه الفارسي (الصائغ)
في جروب ملتقى الشعراء
بايت وأنا سهراني=وأرقب هبوب النود
لي صاحبً خلاني=ولا ضنتي بيعود
يا الفارسي أعزاني=يا الشاعر المفنود
لقول الشعر ولهاني=وأترّقب المردود
حميد محمد السالمي

صوغ الشعر أحياني=يشفي القلب بحدود
شف نجمة الميزاني=يوم العوادي رقود
بيجيك قولاً ثاني=و الجود بالموجود
يا السالمي عطشاني=أسري ومعاك شهود
صوب ديرة الغزلاني=وشله معك بو حمود
خليفه الصائغ

بمشي جدى الخلاني=وبعبر فلا وحدود
وباخذ معي النعماني=وخليفه وبو حمود
دار الظبا السوداني=أو شرق دار هنود
ولو خانني البرهاني= بعقهم و أعود
حميد محمد السالمي
شل ناصر الغيلاني=هو شاعراً مفنود
معروف ف الاوطاني=راعي الكرم والجود
واما أنا ظمياني= لمرهفات خدود
ودي بجمال أسباني=يفتح بقلبي سدود
واما ود النعماني=وعنده علي بو حمود
شلهم ولا تعطاني =عنهم خبر مردود
خليفه الصائغ

م يسخى به الغيلاني=ألا بيض الخدود
في مصر أو لبناني=حيث الريم العنود
شاعر وله قيفاني=ما يغلبه المردود
له قدر عني وشاني=في خافقي موجود
خل عنّك الاسباني=ومرهفات العود
خذلك من السوداني=ما يلحقك منقود
حميد محمد السالمي