سوالفنــــــــــــــــــــــــــــــــــــــــــــا

[صمت الهنائي]

من مواقفي المضحكة واللي لحد مليون سنه ما أنساها هذا اذا عشت لحد مليون سنة
في مرة قبل عيد الأضحى طالعين أنا وأختي نمشي بالقرب من البيت وطبعا العيد قريب
يعني العالم كله عندهم ثيران عشان يذبحوا للعيد ....
وجارتنا الثيران مالها اتفلتن وكان أثنين ..
وكانن يركضن صوبنا أختي تقول نرجع البيت قلت لا ما أيجين صوبنا
وبالفعل واحد غير مساره لكن الثاني حاط عينه علينا وصارت أختي تركض صوب البيت وتصرخ
وانا واقفه أشوف الثور يركض صوبي ولا تحركت تجمدت مكاني
عقلي الباطن ما أشتغل وأتصرف
وصار بيني وبين الثور قاب قوسيين أو أدنى
عاد لما شفت ولد الجيران يركض صوبي عشان يبعد الثور شيختكم همس ذيك لحين عقله الباطن
أشتغل وصرت أركض صوب البيت وأول ما وصلت البيت جلست أضحك على نفسي
يعني فعلا ما ينتسى نصيحة لا تمشيوا قرب العيد