غلاااااااااااااااااك

[بقايا الحب]

أطرق لباب الغلا حب وبالشوق مرتاح
وستأذن قلبك واعلن لكل البشر وابوح
الغلا لك بقلبي وحده له قسم وجناح
وان غبت عني غلاي يشعل القلب بالنوح
تنزف دموعي غلا غالي والقلب صياح
وياويل حالي لا جات منك بعض الجروح
وان بدت مني زلة جيتك واطالبك السماح
والجود عنوانك واعرفك شخص سموح
صاحبي كان تقدر تسل سيفك بالجراح
امانة لاتجرح شخص هداك قلبه والروح
حبك غير مع صوت الطير ونسناس الصباح
ومشاعر غير ونبض قلبي دقاته طموح
بس اشوفك والهم والحزن كله بينزاح
والله وفيت لك بصدق وين ماروح
طمن فؤادك حبيبي لوغادر مركبي ولاح
يبقى غلاك بيني وبينك شيئ صروح
علمتني كيف احبك وبالشدايد كيف اجتاح
غصب مني احبك لأن حبك بالغلا مشروح
غلاك في قلبي من كثره صار ذباح
والغلا مايهزه الا من تجيه الجروح
توني عرفت بدونك انطفى كل مصباح
وبدونك يالغالي دخلت بسيح مقبوح
تعرف انت معي اليد اليمين والسلاح
ولي يزعلك بخلي عظامه ولحمه بمنشوح
اهديك طيبي ورمز وفائي هوو السماح
صاحبي احلفت بالله انت غالي يالنصوح
وكلمة احبك مافي يوم تجي وتنلاح
احبك وخلي الدنيا تنوح اذا تقدر تنوح

[خليفه الغافري]

لا أرى هنا بقايا حب

بل أرى الحب كله

كان للجمال حضور هنا

وللحرف نغم خاص

تحياتي وتقديري

[حنان]

صور جميـــــلة هنا

أترك النقد إن وجد لأهل الإختصاص

لا عدمنا قلمك

كل الشكر

[صالح الحاتمي]

بقاياااا

الحب شكرا لتواجدك هنا

النص يفتقد لعنصر مهم جدا وهو الوزن

والوزن أن نكتب نصااا يغنى,,,فكل الشعر الموزون يغنى...

طريقتين لمعرفة الوزن

1-سحب النص بلحن واحد
2- بالتشطيره العروضيه

واذا استعصى غناء هذا النص في محل واحد

فاعلم ان هناك كسر

او اقرأ البيت بسرعه....وان وجدت صعوبه

فأعلم كذلك ان هناك كسر وزني


لك النقاء

[بقايا الحب]

شكرااااا اخي صالح على نقدك البناء.....
بس لو تسمح اريدك تفهمني الخطأ في القصيدة بشكل اكثر// لأن انا الحين في بداية مشواري في كتابة الشعر...
ودائم عندي المشكلة تكمن في الوزن... خبرني كيف يمكن اتغلب على هذي المشكلة.. وعذرا على الازعاج