حلاحيل السما

[عوده النادلي]

الله من حرِّن على رفّ الأبصار=يبطش حلاحيل السما والرخومي
زنده سميكن والحشى ينفث النار=متربعن بين السما والرجومي
حاشاه عن كلمة منافق وغدّار=رافع علوم الشعر راع السلومي
لو يجمع الكلمه على كلَّ الأبرار=كنّه على حمل الخطايا يحومي
ماني وانا أحمد على صاحبه قار=ولا هي على سبَّ البدايد سهومي
كلِّن لها في عالي المجد شنكار=مترفِّهن بين الكرم والنجومي
وحنّا لنا في عالي المجد تذكار=وشمن نباريبه جميع الوشومي
من حدِّ ضو حجرن ونجله والأشعار=حتّى إبن لادن حريب الخصومي
هاذاك لو عمَّر سلاحه ولا ثار=تمسي جيوش الغرب تقعد تقومي
وليِّن بعوده لا بغى صار مسمار=ويشق حدَّه صاملات العزومي
ويطيرِ لو أطلق عقابن جنح طار=وما ظنتي يهزم إذا به لزومي
وان كانِ في بعدي مضيِّع ومحتار=كانِ إنسحابي فرِّ شهمن قرومي
فرَّه من اللي باالردى صارِ سمسار=يهوى دوارة سافلات العلومي
وكانِ إنتظاري صعب ياصاحب َ الدار=لاشفت نيراني حوتها هدومي
ولا طعتها جفّت محيطات ببحار=واحرقت معها كاملات الدسومي
اللي لهم باالقلب منظومةَ أزهار=ونبتن يداعبها هتونَ الغيومي
هذي علوم اللي توارى ولا جار=علمن من الجينات رافق انظومي
أمّا الذي يرقص على كلِّ مزمار=وحدّه إذا يزرع بطاطس وثومي
لي من عصاتي ضربتن تبعد الزار=وسفعه بباطنها رياح السمومي
تشلع وجيه اللي بمجلاسهم عار=والحل فيها عامرات الذمومي
ولابدِّ من شمسن تجي بعد عشتار=تشرق وتعطينا من الحبِّ كومي
واختامها صلّوا على خير الأخيار=أحمد نبي الله في كلِّ يومي

[سعيد محمد البلوشي]

أخي العزيز عوده النادلي

السلام عليكم و رحمة الله و بركاته

صح لسانك و لا هان منطوقك

نص يعانق سماﺀ الابداع غزير في معناه و مغناه

واصل ابداعك فنحن نقرأ لك

تقديري لك أخي العزيز

[خليل عفيفي]

عوده النادلي
عندما يلتقي الجمـــــــــــال وروعة الشعر
وعذوبة التعبيـــــــــــــــــــــــــر وعفويته
حتما سنجد هذا الجمال
أجزلت وأبدعت
صح لسانك ملايين

[عبدالله الراسبي]

اخي العزيز عوده النادلي ابيات في غاية الجمال والابداع
تسلم على هذه القصيده الرائعه
ودمت بكل خير وموده اخي الكريم
وتقبل تحياتي

[سالم الوشاحي]

أخي الغالي عودة النادلي

السلام عليكم ورحمة الله وبركاته

صح السانك ولاهان منطوقك

أبيات جميله وحروف راقية

لاعدمنا قلمك وبوحك العذب

سجل إعجابي وتقديري العميق

[فاطمة حميد ( إغتراب )]

عوده النادلي : صح الله لسانك وإعتلى شانك

أبدعت وأمتعت ياخوي بهذا النص الجميل

هذي علوم اللي توارى ولا جار=علمن من الجينات رافق انظومي
أمّا الذي يرقص على كلِّ مزمار=وحدّه إذا يزرع بطاطس وثومي
لي من عصاتي ضربتن تبعد الزار=وسفعه بباطنها رياح السمومي
تشلع وجيه اللي بمجلاسهم عار=والحل فيها عامرات الذمومي
ولابدِّ من شمسن تجي بعد عشتار=تشرق وتعطينا من الحبِّ كومي
واختامها صلّوا على خير الأخيار=أحمد نبي الله في كلِّ يومي


ودِ لك

[عوده النادلي]

وعليكم السلام ورحمة الله وبركاته
أخي العزيز سعيد البلوشي صح بدنك وشاكر إهتمامك والروعه هي وجودك في متصفحي

[عوده النادلي]

صح بدنك ملايين أخي خليل وشاكر لك كلامك وحضورك الرائع

[عوده النادلي]

أهلا بك أخي عبدالله والجمال هو في حضورك الرائع

[عوده النادلي]

أخي الغالي سالم الوشاحي
وعليكم السلام ورحمة الله وبركاته
صح بدنك وبيض الله وجهك وإعجابك محل تقدير