حنا ذرا البحرين وحنا فداها

[مشاري المطيري]

حنا ذرا البحرين وحنا فداها................تستاهل البحرين سوق المنايا


نرخص كل العمار في بقاها...............سقنا على شانها دروع وسرايا


تبتر ايادن تحاول في نهاها...............بالارض عسكر على سود النوايا


وللجو طيارن يراقب سماها................وللبحر بحريه تلطم وجيه العدايا


نركي على كبد منهو نواها................لال الخليفه وللشعب حنا مرايا


نعكس لهم حبنا من غلاها...............كل الخليج لبى ماذخر بالعطايا


واهل الوفا انتم بادي وفاها...............يشهد لكم التاريخ بطيب المزايا


كل الجهود انتم ياما رعاها................وقفاتكم شامت عن كل البقايا


تبقين ويبقى حاكمن بناها..............الله يدوم في حمد سنينن مدايا


ويمد بسلمان ذراها حماها..............في ظلهم تبقين رغم العصايا


بحرين بحرين الله الله حباها..............الشعب وافي وحكامن وفايا


ماهمنا من شط يلقى بلاها............حنا دوا من خان وحنا للخلايا


صاحين واعين دهانا دهاها...............خليفه صاحي لها بين الزوايا


تدوم وتدوم ياريس اوزاراها..............والله يدوم الخليج ستر وغطايا


في ضف عبدالله صقرن ذراها............ال السعود مزبنين كل الملايا


وال الصباح صباح الاحمد ولاها..........محنكن بالسياسه يعطب قرايا


وال النهيان خليفة قام وزهاها..........خليفة زايد على نفس الصفايا


وبن ثاني حمد يرقب ماقفاها...........يعطي ويبذل على حسن النوايا


وابن سعيد قابوس باقن معاها.........سلطان السلطنه ابيض السوايا


الله يعزكم بالعز وحنا حماها............يستاهل الخليج نسوق المنايا

مشاري المطيري