مثل نور البدر ...ارجو ان تنال رضاكم ...

[احمد المخيني]

مثل نور البدر غطا سواد السرمدي
مبهج ن للقلب من كل ليل يحقره

شايبي ينخاك قلب ن طراه المسردي
وسط هفوات الرفاقه جميلك قدره

من جميل افعالك اللي كوت بطن اليدي
والمواقف كل أبيها كتومه وجهره

اشهد انك محزمي يوم غيرك يبعدي
والقصيد اللي نسره عليكم نجهره

وانت عز احفاد بعدك وانا بك اقتدي
بعد من هو شافعي والقوافي تذكره

ما أوفّي فيك حرف ن وكلمه....مامدي
لك من ابعاد الجميله إلين الاخره

والتعب لا شنع عزومك العليا خِلي
ما لقى بين الضلوع ...وزمانك كسره

شلتها كفو ن كفو قبل ما هي تبردي
ممسك ن قول وفعول ن ودين ن تذخره

قلت يوم ن لي وانا بين لهوي ولعبي
لاتطاوع خل سعدك ...وخلها تذكره

وان تحرى زلة الناس.....ماظني يهدي
ماتجي بيض النصيحه وهو في منكره

موردك لا ترتضي غيره العذب الندي
وان غدى عكر ن تحاش السقا به وستره