بلاوي عشـق حضريّـه

[يقظــان الشهيمي]

السلام عليكم.....

قصيدة إرشيفية من ضمن سلسلة (تراجيديا الجنون ) أتمنى أن تنال إعجابكم

بلاوي عشـق حضريّـه

الأ يــا ظلم هـالدنيا طــلبتك خفــف شويـّــه
بعادك يالوفا عني تراه بالحيل ذابحـــني

مــــواعيد الغــدر جتني بــلا رقّــه وحنــيّه
تناست موعد الليله وجا هالغدر يقتلـــني

أنــــا ذاك الطفل ياللي ذبحته دون شبريّــه
شربت الدم من عمره وقلت الله يصبّرني

الأ يا مصحف أشعاري نزيف الحبر في يديّه
وأنا يـــالله من بعده على صبري تقدّرني

ســألتك يـا وصل عني إذا قصرت فالجـــيّه
أنا مقطوع من دنيا عشقها حلم ودّعــني

وذيــك أمي وتسألني دموع الحزن مبكــيّه
وش اللي صار يا عمري وذاك الصدر يحضني

أنــا إنسان يا أمي عشقت البنت حضـريّه
حكاويها الغرام اللي قتلني وما درى عني

الأ يـا ظلم هالدنيا فقير الحال يــــ بنـــيّه
نثرتي الشوك في دربي وإذا أنقشه طعنّي

الأ يا مملكه روحي ســوالف عشقنا حـيّــه
ولا مــــاتت أمانينا أنا ذكراك لملمـــني

طلبتك تمسح دموعك أنــا قصتك منســيّه
أنــا الماضي تسميني بلا حاجه تأملــــني

أنا الأرشيف من عمرك أنا أوراق مرميّه
مرور الوقت يهلكها ودمع الخد يقهـرني

الأ يا حظي العاثر تروف بحالتي شويـّـه
وتفتح صفحتي ترجع مع الأشعار تكتبني

وداعا قلتها يــالله أودّع سم هــالحــيّه
فحيحٍ من مزاميره يرقصني ويخدعني

يقظـــان الشهيمي