يا لابتي سمعوا زميلي في نباه

[سالم سعيد المحيجري]

محاورة شعرية بين ماجد الداودي وسالم بن سعيد المحيجري بتاريخ 10/10/2014

ماجد:



أشوف الجروب يبكي والدمعه فبكاه،
ميجوز لي أتركه يقاسي فعبر،،
بوجود ود عامر كل حدن يقرب شكاه،،
مقدرت أفند م المجامل والمكر،


سالم:



أحمد إلاهي وأشكره ربي بعطاه/
ربي خلقنا وطالبنا نفتكر/
يالابتي سمعوا زميلي في نباه/
بناشده وتسمعوا لصوغ التبر/


ماجد:



أنته أول يا سالم تمعن ف القراه ،
وسع قراتك واحيدك كاهن فالمجر،
معك حساب ن للمعالي بالجراه،
كفله وغنايه على المسالك والحبر،

سالم:



ماجد تمعن للكتب بعد الصلاه/
وبتكون عندي فالسفر لين الفجر/
شعر الحواضر للطرب عيبه فغواه/
مقصودنا نبني الشعر سطر فسطر/

ماجد:



حن ما سمعنا ذيب بعطل ذيبا كماه،
فالنايبه نكسر كل صما حجر،
شي م الثعالب دونها سبع الفلاه،
لي سيرها تشبه ع سير النمر،

سالم:



ما كل ذيب ن يمشي في درب ن قصاه/
متفاوته قبيله مساليك الخطر/
ومكر الثعالب حبل ن كل عاقل طواه/
متغفي الثعلب ريوله فالبحر/

ماجد:



يلي ما قرأ كتب القبايل والجباه،
بيدور راسه بين ميسير ويمر،
ماينكس علامه يلي الفخر يعلاه،
غير من تسلط ع عينه والبصر،

سالم:



بونه القبيلي ينعرف دومه فلقاه/
وانتوا جماعة بنوركم شع القمر/
ولي انتهى ماضي بمقصوده نراه/
مثل الثمرمعروف فغصون الشجر

ماجد:



أنته قنوعي وتعرف للزمن ودواه،
ما تغر لك سلمى مثل بعض البشر،
بعض الأوادم تبلي وترميك فدهاه
شروى الكنز لي كلف الصاحب خسر

سالم:



بختم مثالي وبكتب لقروبي وصاه/
وببني لكم قصرن يقايس بالمتر/
فوادعة الله والقايد تراه نفداه/
وراعي الوفاء يبقى سنينن ينذكر/


ماجد:


هذا قائد ن خزنات الأرض تسواه،
وميزها به ثوب ن ردونه تنقصر،
لوما تكفيه عيني فالحشا بدعاه،
فوداعة الله يا شواهين*المقر،



تمت المحاورة