جديد 2013.....لو ترضي

[راشد الهنداسي]

"لو ترضي"
راشد الهنداسي
1\1\2013

لو ترضي العالم ككل ، ما ترضِ هذاك الرجل
ولو البشر تكرهك ، بس واحد بيعشقك وخجول

يعني كذا طنش وعش دنياك من دون أي حمل
ثمة فرق بين الحِمل ، بين الحَمل ، وام(ن) حُمول

الدنيا في حالة وضوح أكبر من اني ارتسل
واسلط أضوائي وانا تنتابني حالة خمول

تدري وش أسباب الفشل؟ تفكيرك الي في عجل
واما التفوق ربما تطمح لأبعد ما تطول

الصفح عنوان الصبر ، والصبر عنوان النمل
واما القناعة كنزها تكشفه آثار السيول

خلك كذا مثل الصحاري ، لاتكن مثل الجمل
حتى ولو تكثر سكاكين الجمل ، هات الطبول

ارسم على وجة الحزن بسمة بأطراف الخجل
واكتب على قلبك فقط " خارج نطاق الي تقول "


لأن العواطف سمّها ، اعذب واحلى مالعسل
واما الفكر اطهر اذا عقلك يعاكسه الميول

اكشف عن احلامك فقط مابين هالارض وزحل
لان الحلم مثل النجم مرة يشع مرة ذبول

احيان يلهيك الألم ، واحيان يلهمك الأمل
اكفر بإهمال الزمن ، وآمن بإمهال الفصول

دوّن نوايك بقلم ، في دفترك قول وعمل
واطوي صحيفة امس ، وافتح صفحة الباكر ع طول

اذا القدر يكتب ، وانته مسلم ومؤمن فهل
تقدر تغير ماحصل ، يحصل ، وسرعان الحصول ؟

انته ولي النفس ، وانته خاطرك ، وانته المثل
وانته العباة ايظا ، وانته كاشف ازرار البتول

بعض النصائح لونها او شكلها مثل الوحل
يمكن تبطي عجلتك ، ويمكن توقفك وتفول

خير الكلام ادري يقال انّه بما قل ودل
لكن أرى بعض البشر تحتاج في انك تطول