الدمعه الي تجيني دوووم

[شافي الحاتمي]

صبااااااحكم شعر ...

بدون مقدمه..........." الدمـــعه "

ربي لاجاب الدمعه على خد



الدمعه الي تجيني دووم واحبسها
........................اليوم طاحت غصب عن موقها عيني


كم لي وانا اطرد الضيقات وادرسها
.......................عـن لا اكون بعيون النــاس وتجيني


واليوم هـلت وحر البعد يحمسها
.............................كنها حميمِ جرى ف الخد تكويني


ب اسباب مـن روحت والقلب لابسها
............................ريمٍ سكنها الحشا ومجرى شرايني


لو قلت ب وصف صفه م وفي ملابسها
........................لانها جمالِ عجب من الوصف تعفيني


كـأن القمر مـن حلاها صـار حارسها
..........................والحور نسخه وراها وكل ابو سنيني


ولاقلت ابنسى غصب م نسى نواعسها
...............................الي خذة دمعتي و ب شوف تحيني


راحت ولا دري الوصل وش لون عاكسها
...................................والدرب مغوي قداها والعنا فيني


مـن بعدها الروح صار الشوق يكبسها
...............................والعين تدمع اسمها وضيق يمحيني


والنفس صارت بساط وهـم مجلسها
............................والجوف حره جمر كم بــات يصليني


والفرحه الي ابيها بـس م لمســها
...............................متى على الله تجي ب الحظ تشفيني؟؟


ياليت تدري عيوني ويش يدحسها
.............................وتدري ب حالي وكيف الشوق ينهيني


حاله اسيره ب حزن والسعد ناحسها
..................................لا الوقت يمضي ولا به شي ينسيني


يا شين حاله ودمـعه الكف يلمســها
.................................لا الموق قادر يوقفــها ولا عينــي

تحياتي ...........