الارض لو كبرت م تنبتلك فلوس

[سعيد الحجري]

سلمّ على الرامي وسلمّ عــــلى القــــوس
وقلّـــه ظهــر مقفيــك مــــا عـــــاد همــــــه

لــو ترمــي اسهامــك وتنهشبه ضــــــروس
عــادي... ما يمشي دون م ايخــان دمـــــه

وان راح مــا لفـــت / ولــو رد كــ المـــــوس
حدّر علــى اكبــار اللحــى وشــال ذمـــــه

من وجـه ما يظهــر مع امنــاطــح الـــروس
عايــش على مـْده مــن اجيــــوب امــــــه

والارضـ لــو كبـــرت مــا تنبتـــلك فلـــــوس
لـــو كــان مالــــك فوقــها مـــن مهـــمـــه

والرس / والظــله / ودكيـــه علــى جـــوس
ما خرجّـــت رجلٍ سلــــم مـــ المــــــذمه

والنفْـــس لو مـــا دستـها / فوقـــك ادوس
بيتٍ يفهـــمه مـن دعـــس راس همــــــه

بنكْ المراجــل عن ردا الفعل محـــــــروس
عن مـــا كليــــته حارسه / كــــْلكْ فمـّـــه

واتعب على عزك ترى الصعب مدســـوس
فــــي كلّ خطـــوه اتْحطها لرْاس قمــــــه

والــــذل مـــا قلطّ هلــــه فـــوق نامـــوس
لو كـــان ابــــوه الزيــر وكليــــب عمـــــــه

والعـــز نـــاب الذيــب لاتقـــــول طــــاؤس
روّح يعـــرض الريــش لا شـــــاف لمــــــّه

الذيب يعـــوي ويــن ما تعــــوي الكــــوس
علــى سنـــامٍ فوقـــــه السحــب كــمــه

بحساســـهم مقرب ولاهـــو بملمـــــوس
والي مــ طـــال الطـــود يرجــــع ينــــــمه

والصبح لو تدرو على الليـــل جاســــــوس
والسّــرْ عتبـــة بـــــاب / والنـــاس رمـّــــه

والـــي يغــث البــال ويشيـــن انفـــــــوس
عاقــل / وسايـــر له مــن النــــاس طمـــه!

امـــا معـــــاه المصلحــــه /اوّ منـــحــــوس
فــــــ الحالتيــــن النـــاب ما فــــاد سمــــه

يا صاحبــــي سلم على راعـــي القــــوس
وقلّـــه ظهـــر مقفيــــك ما عـــــاد همــــــه