كلن لحقني عتابه

[حسين المعمري]

السلام عليكم اعتذر على طول الغياب ولكن هذي حال الدنيه كثرة الأشغال طبعا هذي الأبيات من فن الرزحه وهي على الناحيه المربوعه أو الخالديه اتمنى ان تنال إعجابكم ولو انها خربشات

بحكي قصتي يالابه
من خطن نظيم كتابه
فاتحن صفحة كتابي
ولله الأمر محسوم
كلن يشتكي لصحابه
مثلي والعرب تدرابه
مانخلطه الورق بعنابه
حتى مع ذليل القوم
ابكي والدمع صبابه
عليكم يا أسود الغابه
عايفآ أكلي وشرابي
ولا جاني لذيذ النوم
كل حدن لحقني عتابه
وخلطوا بالفعل اكوابه
فاقدن كامل صوابي
وسقوني مر السموم
قالوا ما عندي ذرابه
تمشي والخلق مرتابه
دومك للعرب مترابي
خبرك عندنا مختوم
قلتلهم عندي جوابه
قريوا هالمثل وخطابه
خلوا للفهم دولابي
ولا تخلوا الشكوك تحوم
مشينا ف الدرب بتعابه
دربن ما رويحه طبابه
مايومن فرضت غيابي
حظر في وساط القوم
سنين والوفا نهنابه
عصبه للكرم نوابه
كل حاسد بعيد يحابي
أبعد من حدود الروم
واليوم البعد نشقابه
حوفن والنكد نعيابه
صابرن كلن درابي
وشاهد ربنا القيوم
بقفل هالمثل ابوابه
لليلن والوقت نسرابه
بنوادع شيب وشبابي
أهل الجوده واللزوم