خجل مشنوق

[ميلاد اليماني]

نظرة عيونك متى مره تراضيني
احلم خجلها يلفّك مثلما المشنوق

ما تذكر انك بدون اسباب تجفيني
وارحل مع الصمت ما تسمع لنا منطوق

الحين دورك وحان الوقت تعفيني
وحان دوري امارس قسوتك وتذوق

لا تقول ما اقدر ومن ذا الدور خليني
يا تلبس الدور يا تهدى معي وتروق

عشقت كلك وانت اقساط تعطيني
كلي عطيتك من اسفل شيّ لا خر فوق

تدري مكانك ومحطوط في وسط عيني
لكن صدري ضلوعه من جفاك مشقوق

بعدي ارقّع جروحك في شراييني
وان جيت اعاتب احسك منخمص مخنوق

تضرب وتبكي وتسبقني تشاكيني
وتحطني في خزينه قفلها مسروق

اهرب والقاك في عبّك تخبيني
محروق منك وتزعم انك المحروق

مليون مره اقلك ليش ناسيني
كافي تحاصر جنوني داخلك في طوق

صافي انا جيت ما ودّك تصافيني
من قبل اشوفك وعشقك داخلي مخلوق

اقول فينك ولا تسال انا فيني
ودّك تزيد في عذابي وانا ميت شوق



بقلم
اخوكم
ميلاد اليماني
لا ابيح النقل دون ذكر المصدر

[تركي الحبسي]

ميلاد اليماني... شكرا لتواجدك بيننا


أبيات جميله


كن بالقرب

[سالم الوشاحي]

أهلا ياميلاد اليماني

صح السانك

واصل وتواصل مع القصيده

بارك الله فيك

[راشد المشرفي]

جميل جدا صح الله لسانك أبهرتني القصيده جداًً...شاكر لك هالابداع ولاتحرمنا من الاجمل منك..

تدري مكانك ومحطوط في وسط عيني
لكن صدري ضلوعه من جفاك مشقوق
!!!!! برفع عتبي ع هالبيت أذا كنت تلفظه بطريقه مختلفه...