زرعـت "شفاتك" بخـدّي ،، وقلت: أصحاب ..!!

[حمود بن وهقه]

../!/..



يمر العمر ويجــــــدد : جـــروح وأصـــدقا وأحـباب
يضيّق خلق مـــــن يـبـغي .. وبعـض النـاس يبهــجها

يمر ولا يـفــرّق بيـــن : شــــــبّانٍ .. ولا شــيـّاب ..!!
يـ كم دمّر محاصـــيلٍ // لنا أعـــــوام " ننــــتجـــها"

و يـ كم حلمٍ نسجته فـ الخيال ،، وكــم رسمــت أبواب
وثار الوقت ،، مـــزّق لي حـلــومٍ كـــنت ناسجها ..!

وكمّ وكـــمّ .. لا تسـأل ترا صــبري .. بصدري ذاب
بعد ما كــانت آمــالي " ســـراجٍ " ،، في تـوهــــجها

تعـبـت وعـــادني متصفّح الدنيــا كتاب .. كــتـاب ..!
وأنا توّي صبي ،، الحرووف مـ انطقها بمــخارجــها

كبرت أو تقــدر تقـول : انعوج عـزمي ..وقـلبي شاب
وأنا خابر " رباطة جــاشي " ،، الشــدّات تعــوجـها

مريض ولـو تشــافى جـرح ، جــرحٍ بالحشا ما طاب
ومن عــادة جـروحـي لــي يسـبـــبها ,, يعـالجها ..!!

تعــال ... الله يرحـــم والديــك ولا تـقـــــول : أسباب
تعال وحطّني .. يا داخــل ( اللعبة ) يـ خـــارجها ..!

ثلاث سنين عندك ،، ما نطــــقت إلا / كلام إعجـاب
وأنـا //أبــذل " أحـاسيـسي " ،، بـلا حضنٍ يتـوّجـها

قبل ترحل زرعت شفاتك بخدّي..وقـلت: أصحاب..!
وكان فـ داخلي ،، " طفلة شعـور" وردّك أحرجها..!

وقفّيــت اتـبــــسّـم ،، تــاركٍ قـبـر وعلـيـه غـراب .!
مـ غير الوحشة " بقبري " .. عسى الرحمن يفرجها

أحبك..! كان صوتي يوصل و يقـطع : بحور وغاب
سريت وطارت أفراحي ،، متى الأفراح معـرجها ؟!

متى تنفض على وجه القصيد اللي عماه "تراب" ؟!
مهور الشعــر منسيّة ،، تعال أرجــوك واسرجـها..!

أحبّـــك // نبتةٍ ما حـصّلت سـقـيـا .. وظـنّي خــاب
" ثلاث سنـين " ,, تـذبـل في يـدي ويمـوت واهجها

نطرتك .. مثل من ينطر صدق من حضرة الكـذّاب!
خلاص .. ومهجتي من " ذكركم " ما عـاد بزعجها

يمر العـمــر،، ويجـدّد جروح .. ويسـرق الأحـبــاب
يضــيّق خـلق مــن يبــغي // وبعض الناس يبهجـها

يمر,, ولا ترك طيفٍ ... يسلّي ( ظــامي الأهـداب )
سوى "دمعة حزن" لا هبّت الذكرى ،،تدحـرجها ..!




../../../