صمت الأشجار

[عطاالله ممدوح]

[center

]:

.

صباحكم / مساءكم شعر وعطر أيها الاحبة ..

.

صوتها غير مثل إحساسها غير
ـــــــــــــــــــــــــ ..؛ فيه نبرة حنين وعزف مزمار
يشبه الصبح وأصوات العصافير
ـــــــــــــــــــــــــ ..؛ يوم يفضح غِناها صمت الأشجار
همسها يكسي أسماعي تباشير
ـــــــــــــــــــــــــ ..؛ كنّ ضحكاتها زخات الأمطار
كان صدري حدايق هي نوافير
ـــــــــــــــــــــــــ ..؛ تنفث انفسها في دمي الحار
في خفوفي لها سلة نواوير
ـــــــــــــــــــــــــ ..؛ وهي على كيفها تطلب وتختار
مالها إلا جزيلات التعابير
ـــــــــــــــــــــــــ ..؛ من قصيد حروفه مثل الأزهار
والله إني لا أوردها على البير
ـــــــــــــــــــــــــ ..؛ لين يقطع ضماها عدّ الأشعار
اخطفتني من عيون الجماهير
ـــــــــــــــــــــــــ ..؛ والتمست لهواها كل الأعذار
لين دقت بخــفّــاقي مسامير
ـــــــــــــــــــــــــ ..؛ علقت في جدار القلب تذكار
كنه يقولي لي تصبح على خير
ـــــــــــــــــــــــــ ..؛ قبل لـ النوم يسدل فوقي ستار
وابتدي فيه يومي قبل لــ اسير
ـــــــــــــــــــــــــ ..؛ لا صحيت الصباح وقلت الأذكار
جيتها كل اشـواق ومعاذير
ـــــــــــــــــــــــــ ..؛ مادري شلون.. لكن صار الي صار

عطاالله ممدوح