عصير التوت

[طارق الغيثي]

يا صدوق الحب تدري من كثر عندي غلاك

............................................... لو صعدت النجم تلقى قلب خلك يحتريك




صح تقول الناس صعبه تجمع الريح في شباك

............................................... لكن إنته بس آمر .. كل شي عندك يجيك




لو تباه العشب أحمر ندهنه بحمرة شفاك

............................................ لو تباه الصبح أسود فل شعرك في يديك




من تنافس في جمالك من بيوصل مستواك

.......................................... حزت الأول والأوادم كلها في مركز يليك





خذت من يوسف شوية وتجلب لنفسي إرتباك

............................................ بقطع يديني حبيبي من أشوفك وألتقيك





عود مع عنبر رياحك كل هذا في شذاك

...................................... شم عطرك في ثيابي من يجي حضني عليك





يطلبك كسرى لعرشه ما بغى فرد ٍ سواك

..................................... خاض لجلك كم معارك وأرسل حشوده إليك




يا عصير التوت تعرف .. العمر دونك هلاك

........................................... كني الإصباح وإنته شمس تولدني أبيك





شوف قلبي وين حطك داخل عظامي نفاك

................................... لو بموت اليوم عادي تبقى في عظامي شريك





إهبش خدودي ريوقك وإنهش شفاتي عشاك

............................................. كل ما فيني حلالك والحشا مجنون فيك