الفراغ اللي سكني انتي اخر اوله
لو عرفتك ما عرفتك غير بيرٍ أحفره
من خيالك نش فكري صار ليلي مطوله
أرسم القمرى فراغٍ ما تحده المسطره
من خيال الطيش ابا ارسم واقعٍ ما أوِله
كلما حاولت أحاول تعتصي لي المقدره
ذابت الرؤيه سراب بين هطل الاخيله
يا بزوغ الفجر ردي عن خفوقي الاعيره
ما قريتك في حروفي من خلال الاسئله
كلما جازفت انبش تلتهيبي المنظره
هامت الذكرى سحابه بين ارض ممحله
طفل بعثر من خياله و زينوا له دفتره
لو بيدي ما تركتك غير قلبك أنزله
فيك أكتب من شعوري لين تمحل محبره
اعرف انك لا حقيقه غيرقلبي يجعلــــــه
والسنين اللي تقضت هو خيالك واعذره