[خليل المعمري]

مساكم الله بالخير الجميع




حاسب على قلبك اخي كثر تقدر
في هالزمن والوقت ماله ابد خي
الليا انكسر ساقك مع الوقت يجبر
المشكله فالقلب..! مايجبره شي
والحزن والضيقات الله اكبر
من فوقهم ماقد سلم منهم حي
ياقلب لاتحزن ولاتضيق واصبر
لو مرت الليله ولا مرها ضي
أذن بهالايام والوقت خبر
قله عن الصلفات راعيك ماعي
يرسي رسو الطود وان هد اشقر
له بالسحابه واختها لاشلع في
وقل للهنوف اللي غلاها تزبر
وابرق قبل يرعد ويسيل بي شوي
ترفق ترى مابالجفا والتجبر
غير التعب والضيم لو ودها في
ورح قلها دمع الوله لاتحدر
واحلامنا ماتت من فراقها لي
وش تستفيد ووش بتكسب وتخسر
والله يهديها ويلطف بها وبي
لاتذخر حبال الوصل كان تقدر
دام العمر به باقي وحبنا حي
وان هانت العشره عليها تعذر
منها وقل للوقت مالك ابد خي