اقتباس:
المشاركة الأصلية كتبت بواسطة عبدالملك البلوشي
عشتك ثلاث سنين .. في صدري كلام
وخليتك ب قلبي تسوي الي تريد
ياللي تقول ان الهوى حب وهيام
وينك ثلاث سنين عن حبي بعيد
اللي يبينا صدق يهدينا غمام
واللي يبينا كذب عله ما يريد
وان ما جبرك الوقت وإحساس الغرام
ما اقدر على جبرك وانته ما تريد
البارحة ما بين ثلثين الظلام
طاحت دمعتي وذاب في صدري جليد
من حرة كانت على صدري تنام
ورقتها من صرت بصدودك تزيد
ما كنت في قلبي مثل بعض الأنام
كنت العشق والله على قولي شهيد
وما كان لي بين البشر غيرك مرام
كنت النبض والكل في حبك يشيد
كان البشر في كوم وانته فالأمام
وما كنت اعيش العمر من دونك سعيد
واليوم مدري وين واثار السهام
في صدر مغرم صار من حبك شريد
لا تقول وينك ما ابي حتى سلام
ماعدت ابغي غير بس ابقى وحيد
من كم عام تصدني من كم عام
وأنا احاول وانت عن دربي تحيد
واليوم رايح ما أبي منك كلام
وفر كلامك شوف لك شخص جديد
الشخص لو يطغى ويعداه الملام
وش فايدة يحكي وأعذاره تزيد |
أخي الكريم عبدالملك البلوشي
شكراً لك على هذه القصيدة الجميلة
التي ابرزتها لنا هنا رغم مابها من ملاحظات
حيث ان ملاحظة الأستاذ خليل عن زيادة في حرف ( و ) في محلّها
كذلك ملاحظة الأستاذ سالم الوشاحي كانت في محلها وهي صعوبة قراءة البيت
كما انني اضيف ملاحظة على ما قمت بتلوينه بالأحمر حيث انه يجب ان تكتب ( اللي )
تقبل مني مروري وإعجابي واجمل تحياتي