عشتك ثلاث سنين .. في صدري كلام
وخليتك ب قلبي تسوي اللي تريد
ياللي تقول ان الهوى حب وهيام
وينك ثلاث سنين عن حبي بعيد
اللي يبينا صدق يهدينا غمام
واللي يبينا كذب عله ما يريد
وان ما جبرك الوقت وإحساس الغرام
ما اقدر على جبرك وإنته ما تريد
البارحة ما بين ثلثين الظلام
طاحت دمعتي وذاب في صدري جليد
من حرة كانت على صدري تنام
ورقتها من صرت بصدودك تزيد
ما كنت في قلبي مثل بعض الأنام
كنت العشق والله على قولي شهيد
وما كان لي بين البشر غيرك مرام
كنت النبض والكل في حبك يشيد
كان البشر في كوم وانته فالأمام
وما كنت اعيش العمر من دونك سعيد
واليوم مدري وين واثار السهام
في صدر مغرم صار من حبك شريد
لا تقول وينك ما ابي حتى سلام
ماعدت ابغي غير بس ابقى وحيد
من كم عام تصدني من كم عام
وأنا احاول وانت عن دربي تحيد
واليوم رايح ما أبي منك كلام
وفر كلامك شوف لك شخص جديد
الشخص لو يطغى ويعداه الملام
وش فايدة يحكي وأعذاره تزيد