أنا أهنيــــك من قلبي قــــدرت إنك تبكينـــــي
وحــــق الله يالغالــــي أنا من القلب هنيتـــك
كـذا روحي تعللها ولا لي من يواسينـــــــي
وأنا اللي بكل معنى الحب والإحساس حبيتك
أهـــون عليك وحياتــــك كذا وحــــدي تخليني
تنسى عشرتي وتروح وعمري بلحظة مانسيتك
حبيبي قــــول ما بقلبك إذا زعــــلان صافيني
تدري كــــم أنا أحبـــك وتدري كــــم صافيتك
أنا مقـــــدر على زعلــــك ولا إنك تجافينــــي
عساني ما تهنــــى لو أنـــــا في يــــوم جافيتك
أريـــدك ما تصدقهـــم كل اللـــــــي حكو فيني
عذول وفيهم الغيرة عشان بعمري أنـا فديــتك
حبك ساكـــــن بقلبــــي ويجـــري في شراييني
عشقتك يوم ما شفتك وخليل الروح سميتــــــك
تدلل بس على روحـــي ولو تطلب نظــر عيني
وحق الواحد المعبود معاه القلــــــب أنا عطيتك
ولك عهد الوفا مني أقضــــي عندك سنينـــــي
مطيع بكل ما تأمر ولو حــــارس على بيتــــك
منى نفسي أنا شوفــــك ولو خلســـــة بيكفينــي
ملكت الكون ساعتها وتــــاج الراس خليتـــــك
حبيبــــي لا تعذبنـــــي تــــراه البعــــد يظنيني
ورجيتــــك لا تحسســـني أنا غلـــطان غليتـــك
نار العشـــق ياعمــــري تـــــرى بالله تكوينـــي
تشعل فــــي وسط صــــدري بأول يوم أنا ريتك
حبيبــــي عودلي رجـــــواك قبل موتي يوا فيني
قبل لا تنطفي شمعــــة زمان كان مضـــــــويتك
مليك الـــــروح لا تنســـــى إذا ما تقـــدر تجيني
تذكــــر يا بعد عمــــري كم أنــــا تمنيتـــــــــك
وإذا جالك خبـــــر موتـــــي أنا ما أريد تبكينــي
أنا ما أريــــد أتعــــذب عشــــان بيوم بكيتـــــك
ترى لــــي بس طلب واحد أنت اللي توارينــي
تلبسنــــي الكفن بأيـــــدك قبري تلحَــــده بغيتك
ولو تسمــــح بدل إسمـــــي شهيد الحب سمينــي
وعلى قبـــــري زرع وردة دخيــــل الله ترجيتك
كفايـــــة عروقها جنبـــــي وسط قبــــري تسليني
وكل ما تشـــــم زهـــــرتها أنا بالعـــــرق شميتك
ودوس القبــــر بأقدامـــــك ولوما تطالعــــك عيني
ترد الروح فـــــي جسمــــي وأنا بالطيـــف ناديتك
وتذكر قسوتك عنــــدي وظلمــــك يــــــوم ناسيني
ولما تلعـــب بقلبـــــي شـــــرى لعبــــة مسليتــــك
وسجل فــــي كتاب الدهــــر كل اللي جــرى فيني
عـســــاه الدهر ينصفنــــي وأنــــت بعد ياريتـــك
مخاوي سهيل