بخبركم قصه باللهجه العمانيه وهي
قصة بدايتي في عالم المسرح
طبعا لما صغيره في الابتدائي
ما كنت احب اشارك في الاحتفالات
بالمدرسه ولتما عاد وصلت الاعداديها
شاركت فالجمعيه باحتفالات السلطنه
بالعيد الاربعين
وبعدين جاتنا فرصه نشارك فصور باحتفال
يوم المرأه العمانيه بإوبريت عروس السابع عشر
وأخذت الدور الرئيسي والله يخلي اختي وحبيبتي
ام افنان كاتبة الاوبريت واخراج عبيروام درر
والحمد لله كان افضل عرض بالحفل
وابتسم لي الحظ وعرضنا الاوبريت في ماليزيا
وحصلنا المركز الاول
بعدين عاد''''''''''''''''
لا يكون مليتوا من قصتي
انتوا كملوا معي وان شاء الله حد يستفيد
من قصتي
المهم بنكمللكم الباقي
حصلت دعوه للانضمام في فرقة صوت المجتمع
المسرحي مع الكاتب والمخرج والممثل والشاعر
الاستاذ : حمد بن عبيد الحجري
ومثلت معاهم عدة مسرحيات اجتماعيه
منها: مسرحية يوم المرأه/ معاق ولكن/ المنجزات
ومسرحية عن المرور بنقدمها يوم الخميس الجاي
وفهاذي الفتره جاني عرض مشاركه بمسلسل
ورفضت بسبب ظروف الدراسه '
هذي قصتي واتمنى ما مليتوا
عارفه طولت فيها
بس عشان الفايده وكيف ان الانسان
لازم يستفيد ويفيد وينمي مواهبه في كل المجالات
شكرا
لهذه
الموسوعه
القصصيه
الرائعه
تحياتي للجميع
|