سعد الجنيبي
روحي مراح مقيط من غير رجعه
اللي غدر به صاحبه من صنيعه
حول على (الماكر) وقسم بسرعه
قسم (الصقور) وقال قسمي طليعه
بأعلى (جبله) ما بين نزله وطلعه
وروحه بيدين اللي يشده وديعه
وبقا على رايه وحكمه وشرعه
من غير ما يسمع مشوره نزيعه
وقفا عنه صاحبه إقفاي ضبعه
وخلاه بين المنصفه للقطيعه
واليوم أنا مثل رفيقه وصنعه
ومن باعني برخيص ببلاش أبيعه
حاولت أغير من زمانك ووضعه
لكن ماجتني خيولك مطيعه
قد قيل في أصل البنادم وطبعه
غير بلاد ولا تغير طبيعه
خليت لك في عالم العشق سمعه
وبنيت لك بأرضه حصون منيعه
وفجرت لك نهر الغلاء وسط زرعه
وأهديت لك جوري ونرجس ربيعه
وسقيت روحك من زلاله ونبعه
وهاديت لك كما مهادا الرضيعه
ورسمت لك صوره وورده وشمعه
وبروزتها فوق النجوم الرفيعه
وزدتك بشعري في سماء الحب رفعه
ونظمت لك أحلا البيوت البديعه
مجنون ليلى ما وفا قدر ربعه
ولا بيّن بعينك وفايه جميعه
يا آنسه لو سال لك ألف دمعه
لاني تبيع لك ولا أنتي تبيعه
الله ولا حب على غير جمعه
مرساله الأشواق وقت الهجيعه
وأرجع أكرر ما بدينا ببدعه
وعلى الملا داني وقاصي أذيعه
روحي مراح مقيط من غير رجعه
اللي غدر به صاحبه من صنيعه
تسلم يا سعد علي أختيارك وأنا أشهد ما في كلام قصيد يعلم المعلم بعد
تسلم مره أخري وتقبل مروري سالم الريسي
|