)كـف الـزمـن(
على كف الزمن أمشي صويب وخاطري مكسور
ولا لـي في الـزمن نـاس)ن( بعثراتي تـداريني
أجــر الآه مـن قلبي وقلبي بـ آهته مـجــرور
ونـار الـهم فـي صـدري من الحـرات تكـويني
بحـرت ومركبي صـامد تحدا بـ الـزمان أبحـور
لـو أن بحـر الـهـوى جـاير وأمـواجـه تعنيني
ضحكت من التعب وأدري أنا ماني أبـد مسرور
أمـوت من التعب وأضحك عسى الأيـام تمديني
مع الـعذال لا تحكـي ولا تكشف كثير أسـطور
أنـا من كـثر ما أحكي لهم ضـاقت بي أسنيني
إلا مـن جيتهم فرشـوا لي الدنيـا ورد وزهـور
وإلا فـارقـت جمعتهم زادوا بـ الـطعـن فـيني
كـتبت الآه من دمـعي على خـدي شـعر منثور
شـعر لا ضـاق بـي وقـتي بـ أبياتـه يسلـيني
جروحي ما تفارقني مـدام إنـه الزمـان أيـدور
أواسـيهـا كـثر هـمي وهـي مثـلي تـواسـيني
على الله عـايش أيـامي حشيم وحالـتي مسـتور
ولا أمـد إيـدي لـ أنسان)ن( كـثر مايعطي يجزيني
لغير اللـه مـا أشكـي لـو أن حالي غـدا مجبور
عسى اللـه يبدل أحـوالي وعلى النيـات يعطـيني
قصيدة: سلطان البلوشي..
(سيدالحب)