[أمل فكر]

السلام عليكم،
ورمضان طيب ومتقبل إن شاء الله (( شكراً لملاحظة مبارك السيابي بأن نكتب إن شاء الله وليس إن/شاء الله))
شوي انتبهنا.

ع العموم، رمضان وأنا صغيرة بديت أقلد الكبار وأنا صف 4، وتشجيع من جدتي صمت كامل الأيام حتى توقفت
عند المرض، وهكذا فعلت في الصف الخامس كانت الحمى والبلاعيم والأدول يخلوني أكسر الصيام أخيراً..

الصف السادس أول صف ما مرضت فيه و قاومت وصمته بإذن الله كامــــل.

كان أحلى شيء فيه (( اسمع التشجيع، وأتأثر لدرجة الإصرار رغم التعب)) الحمدلله.

بس لرسوم قناة عمان من السنافر وسالي، كان في وقت صلاة التراويح خلتني أشرد من صلاة التراويح بالمسجد عشان أتابع من الأخير،؛، عقب حرمة قالتلي ما يصير تطلعي إلا معانا، فتميت اروح للصلاة مرات و مرات أتعلث ما أريد أروح عشان أشوف الرسوم مع أختي. واصلي بالبيت.
الحلو كانت جدتي تلم بنات العايلة للمسجد ونسوي شلة كلنا صغار ومشاغبين و فوضى و وسطنا جدتي ((أدعولها هي الحين في العناية المركزة بالمستشفى)) وأحياناً تطوفنا الدكان ونشتري ع حسابها والهندي يتأذى لما كلنا ندخل عنده..

والحين طبعاً عقال، ألتزام ونحاول نبتعد عن وسوسة الشيطان، أعوذ بالله منه وقت الصلاة، بس بعدني ما أحب مطبخ رمضان، ما في شيء بيقنعني.

والسموحة على الإطالة، صدج الواحد يتكلم ويكتب و لا يحس. شكراً.