[أنور السيفي]

السلام عليكم ورحمة الله وبركاته..
اخواني الاعزاء ،للتواصل معكم طعم آخر،
اتمنى ان تسمو الى ذائقتكم
احترامي وتقديري

حيران ماعندي ونيس(ن) ارتجي منه خطاب ،
سجلت للذكرى رساله لجل اواصل من احب
بي شوق بي لهفه وحفاوه عانقت ذاك السحاب
ارسلت بارسالي مشاعر للأميره تنحسب
لي قاسمت ورد الحدايق بالشذا وحلو الذواب
لاشافت النحله مداها من غواها تنجذب
وانا انتظر مرموم حالي وتبري لجرحن مصاب
بس حيف ماصار بمرادي هول يغشيه العجب
عاكس لي الرد بمرادي بعدما شفت الكتاب
ذيك الرساله لي حواها خطب بالغصه خصب
غلطان ياراعي الرساله لاتطالبني جواب
مجهول مايحمل سجلي اسم لجلك او لقب!
ادركت من بعده غثاها هم في صدري ضباب
ياقلب تكفى من عناها يارفيقي تنسحب
لي ماحفظ قدرك وصانه لاتواليله زهاب
مع كل رغبه في مداره دام لك عزه ونصب
العز ماعدا ظلالي في مفاهيمي نصاب
من زود مايغشى شموخي اعتصب مثل العصب
يغنيك ياقلبي التروي لاتحملني حساب
يكفيك ماسار بشرايينك الى حد العطب
ثم شوف في دنيا حياتك دام بمتونك رحاب
تحييك لاناخت عزومك في عذابن تنتحب
واختار من غزر الآلي دره يطويها العباب
ماطالها غير السنافي لي لساحلها انتسب

خالص الود