ياشهيد ادعو ربك ياشهيد
يحشر بجمعٍ غفير
عبد يعبدله مطيع
اسمه انور
وديّ معكم في صعيد
حزتو لاشك العديد
في رضى ربيّ المجيد
الكل كبّر
وش لزومك يافتات
باكر اشلون الحياة
رحت غارق في سكات
ياعساه الفال خير
كل هميّ بس قبول
ياترى تغني الطبول..؟!
بعض من همه مرح
كيف حالك ياسهول!
النسا صارت ضحايا
بعضها اضحت هدايا
بعضها تمشي عرايا
وينها هِي حشمتك؟!
والفتى شيشه وزار
او فلينه مع وزار!
ماشيٍ دون اتزار
بالمعاني والقيم
نوحها ماله ملام
لي تغشت بالثام
عايشه بلون الظلام
ترتجي رب النعم
خانت النخوه يمين
وين عهدك يالسنين
زارني لحظه حنين
كيف زارتنا النقم..؟!
مؤمن وحالي صبور
ياعسى يلفي السرور
والهنا ويّا الحبور
ينتشي فيني عزم
|