[احمد المخيني]

حَاوَلت اتَممها حكي مَ ستتمّت
كودَ الهوى يا خوك ما يِنمسك تو

يا شين نفسً يامناتً وعُفّــت
من وين نَكتبها دَخل عاكر الجو

يا كثر من برد المحاني تدفت
للبرد فيهم نسنسه مستحروا

قغّوا عيونً ضاميه ما تهنت
ياليتهم قبل المباعد تحروا

نفس الكفوف اللي عطت يوم سمّت
تمسح دموعي عابره يوم هللو

شفتك من الايام ياليلة السبت
دايم ثقيله خص من هم تعنّوا

صوب الدوام و جمرة الغم شبّت
ف الدرب من كثر الاشاير تمنوا

لو هم عطالى حدهم ...دقمة النت
او للطريق اللي له الربع سنّوا

لكن لا واقع، ولا ما تمنت
ياكثر ما ناحوا على ماتمنوا

قالوا نسى ثم قلت :بلله، ينكّت؟
لا لا حشا ما قد نسوا هم (تناسوا)

ما غير انا كثر الشتات المشتت
من ضعت والخفاق ما بيّح الضو

لا بوك يالجوال كيف اتفرمت؟
الرقم والايميل والشكل.....راحو

مابين صمت الليل ،والنفس، والكبت
صاروا معي بعد البلاوي . .وصاحوا

ما قد يللي مكتوب وان جات ما جت
و العين..تكسر خشم من هم تباهوا

........وسوالم