[خلفان الوشاحي]

يـا راحــلٍ عنــــي ولا عــاد
تعـــال شــف حالـي بليّــاك

عايــــش بليّـا زاد واعتـــاد
أبكـي البخــت وآنـوح فرقاك

شطّيت بـي يا روح لفـواد
اللَّــه منّك كيـف مقـواك

حالي نضى والشوق يـزداد
وشاب الشعَر وآنا برجواك

أضـوي ع شاطي الهم مرتاد
واذْكـر زمــانٍ مــر ويــاك

وقـتٍ علينــا بالوفــا يـــاد
أصـبح على شوفك ولقيـاك

نتقاسـم المشــروب والـزاد
تحـت النخيـل وظلـة الــراك

بيـن العـرب والناس الايـواد
يـوم ان تسلينــي بحكايـاك

عاهـدْت نفسـي ورب لعبـاد
أقــَـزّر الدنيــا ع ذكـــراك

ياليـن عظمـي فالثـرى يْبـاد
واصيـر جثـه ما بهـا احـراك

في رمْـس خاوي بين الالحاد
ويقـال عنـي طــاب مثــواك

خلفان عبدالله الوشاحي